نہ درویشوں کا خرقہ چاہیئے نہ تاج شاہانا — بہادرشاہ ظفر
شاعر
نہ درویشوں کا خرقہ چاہیئے نہ تاج شاہانا
نہ درویشوں کا خرقہ چاہیئے نہ تاج شاہانا
مجھے تو ہوش دے اتنا رہوں میں تجھ پہ دیوانا
کتابوں میں دھرا ہے کیا بہت لکھ لکھ کے دھو ڈالیں
ہمارے دل پہ نقش کالجحر ہے تیرا فرمانا
غنیمت جان جو دم گزرے کیفیت سے گلشن میں
دئے جا ساقیٔ پیماں شکن بھر بھر کے پیمانا
نہ دیکھا وہ کہیں جلوہ جو دیکھا خانۂ دل میں
بہت مسجد میں سر مارا بہت سا ڈھونڈا بت خانا
کچھ ایسا ہو کہ جس سے منزل مقصود کو پہنچوں
طریق پارسائی ہووے یا ہو راہ رندانا
یہ ساری آمد و شد ہے نفس کی آمد و شد پر
اسی تک آنا جانا ہے نہ پھر جانا نہ پھر آنا
ظفرؔ وہ زاہد بے درد کی ہو حق سے بہتر ہے
کرے گر رند درد دل سے ہاو ہوئے مستانا
Na darveshoñ kā khirqa chāhiye na tāj-e-shāhāna
Na darveshoñ kā khirqa chāhiye na tāj-e-shāhāna
Mujhe to hosh de itnā rahūñ maiñ tujh pe dīvāna
Kitāboñ mein dharā hai kyā bahut likh likh ke dho ḍāleñ
Hamāre dil pe naqsh-e-kāl-e-hajar hai terā farmānā
Ghanīmat jān jo dam guzre kaifīyat se gulshan mein
Diye jā sāqī-e-paimān-shikan bhar bhar ke paimāna
Na dekhā wo kahīñ jalwa jo dekhā khāna-e-dil mein
Bahut masjid mein sar mārā bahut sā ḍhūñḍā but-khāna
Kuchh aisā ho ke jis se manzil-e-maqsad ko pahuñchuñ
Tarīq-e-pārsā'ī hove yā ho rāh-e-rindāna
Ye sārī āmad o shad hai nafas kī āmad o shad par
Isī tak ānā jaanā hai na phir jaanā na phir ānā
Zafarؔ wo zāhid-e-be-dard kī ho haq se behtar hai
Kare gar rind dard-e-dil se hāw hove mastāna
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں