نہ اس کا بھید یاری سے نہ عیاری سے ہاتھ آیا — بہادرشاہ ظفر
شاعر
نہ اس کا بھید یاری سے نہ عیاری سے ہاتھ آیا
نہ اس کا بھید یاری سے نہ عیاری سے ہاتھ آیا
خدا آگاہ ہے دل کی خبرداری سے ہاتھ آیا
نہ ہوں جن کے ٹھکانے ہوش وہ منزل کو کیا پہنچے
کہ رستہ ہاتھ آیا جس کی ہشیاری سے ہاتھ آیا
ہوا حق میں ہمارے کیوں ستم گر آسماں اتنا
کوئی پوچھے کہ ظالم کیا ستم گاری سے ہاتھ آیا
اگرچہ مال دنیا ہاتھ بھی آیا حریصوں کے
تو دیکھا ہم نے کس کس ذلت و خواری سے ہاتھ آیا
نہ کر ظالم دل آزاری جو یہ دل منظور ہے لینا
کسی کا دل جو ہاتھ آیا تو دل داری سے ہاتھ آیا
اگرچہ خاکساری کیمیا کا سہل نسخہ ہے
ولیکن ہاتھ آیا جس کے دشواری سے ہاتھ آیا
ہوئی ہرگز نہ تیرے چشم کے بیمار کو صحت
نہ جب تک زہر تیرے خط زنگاری سے ہاتھ آیا
کوئی یہ وحشیٔ رم دیدہ تیرے ہاتھ آیا تھا
پر اے صیادوش دل کی گرفتاری سے ہاتھ آیا
ظفرؔ جو دو جہاں میں گوہر مقصود تھا اپنا
جناب فخر دیں کی وہ مددگاری سے ہاتھ آیا
Na us kā bhed yārī se na ayyārī se hāth āyā
Na us kā bhed yārī se na ayyārī se hāth āyā
Khudā āgāh hai dil kī khabardārī se hāth āyā
Na hūñ jin ke ṭhikāne hosh wo manzil ko kyā pahuñche
Ke raste hāth āyā jis kī hushyārī se hāth āyā
Huā haq mein hamāre kyūñ sitamgar āsmāñ itnā
Ko'ī pūchhe ke zālim kyā sitamgārī se hāth āyā
Agarche māl-e-duniyā hāth bhī āyā harīsoñ ke
To dekhā ham ne kis kis zillat o khvārī se hāth āyā
Na kar zālim dil-āzārī jo ye dil manzūr hai lenā
Kisī kā dil jo hāth āyā to dil-dārī se hāth āyā
Agarche khāksārī kīmiyā kā sahl nuskha hai
Valekin hāth āyā jis ke dushvārī se hāth āyā
Huī hargiz na tere chashm ke bīmār ko sehat
Na jab tak zahr tere khatt-e-zangārī se hāth āyā
Ko'ī ye vahshī-e-ram-dīda tere hāth āyā thā
Par ai sayyād-vash dil kī giriftārī se hāth āyā
Zafarؔ jo do jahāñ mein gohar-e-maqsad thā apnā
Janāb-e-Fakhr-e-Dīñ kī wo madadgārī se hāth āyā
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں