شانے کی ہر زباں سے سنے کوئی لاف زلف — بہادرشاہ ظفر
شاعر
شانے کی ہر زباں سے سنے کوئی لاف زلف
شانے کی ہر زباں سے سنے کوئی لاف زلف
چیرے ہے سینہ رات کو یہ موشگاف زلف
جس طرح سے کہ کعبہ پہ ہے پوشش سیاہ
اس طرح اس صنم کے ہے رخ پر غلاف زلف
برہم ہے اس قدر جو مرے دل سے زلف یار
شامت زدہ نے کیا کیا ایسا خلاف زلف
مطلب نہ کفر و دیں سے نہ دیر و حرم سے کام
کرتا ہے دل طواف عذار و طواف زلف
ناف غزال چیں ہے کہ ہے نافۂ تتار
کیونکر کہوں کہ ہے گرہ زلف ناف زلف
آپس میں آج دست و گریباں ہے روز و شب
اے مہروش زری کا نہیں موئے باف زلف
کہتا ہے کوئی جیم کوئی لام زلف کو
کہتا ہوں میں ظفرؔ کہ مسطح ہے کاف زلف
Shane ki har zubaan se sune koi laaf-e-zulf
Shane ki har zubaan se sune koi laaf-e-zulf
Chiere hai seena raat ko yeh mooshgaf-e-zulf
Jis tarah se ke Ka'aba pe hai poshesh-e-siyah
Is tarah is sanam ke hai rukh par ghilaaf-e-zulf
Barham hai is qadar jo mere dil se zulf-e-yar
Shaamat-zada ne kya kya aisa khilaf-e-zulf
Matlab na kufr o deen se na dair o haram se kaam
Karta hai dil tawaf-e-azar o tawaf-e-zulf
Naaf-e-ghazal-e-cheen hai ke hai naafa-e-tatar
Kyunkar kahun ke hai girah-e-zulf naaf-e-zulf
Aapas mein aaj dast-o-gareban hai roz o shab
Aye mah-roosh zari ka nahin mu-e-baaf-e-zulf
Kehta hai koi jeem koi laam zulf ko
Kehta hun main Zafar! ke mustatah hai kaaf-e-zulf
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں