تفتہ جانوں کا علاج اے اہل دانش اور ہے — بہادرشاہ ظفر
شاعر
تفتہ جانوں کا علاج اے اہل دانش اور ہے
تفتہ جانوں کا علاج اے اہل دانش اور ہے
عشق کی آتش بلا ہے اس کی سوزش اور ہے
کیوں نہ وحشت میں چبھے ہر مو بشکل نیش تیز
خار غم کی تیرے دیوانے کی کاوش اور ہے
مطربو باساز آؤ تم ہماری بزم میں
ساز و ساماں سے تمہاری اتنی سازش اور ہے
تھوکتا بھی دختر رز پر نہیں مست الست
جو کہ ہے اس فاحشہ پر غش وہ فاحش اور ہے
تاب کیا ہمتاب ہووے اس سے خورشید فلک
آفتاب داغ دل کی اپنے تابش اور ہے
سب مٹا دیں دل سے ہیں جتنی کہ اس میں خواہشیں
گر ہمیں معلوم ہو کچھ اس کی خواہش اور ہے
ابر مت ہم چشم ہونا چشم دریا بار سے
تیری بارش اور ہے اور اس کی بارش اور ہے
ہے تو گردش چرخ کی بھی فتنہ انگیزی میں طاق
تیری چشم فتنہ زا کی لیک گردش اور ہے
بت پرستی جس سے ہووے حق پرستی اے ظفرؔ
کیا کہوں تجھ سے کہ وہ طرز پرستش اور ہے
Tafta janoon ka ilaaj aye ahl-e-daanish aur hai
Tafta janoon ka ilaaj aye ahl-e-daanish aur hai
Ishq ki aatish bala hai is ki sozish aur hai
Kyon na wahshat mein chubhe har mo ba-shakal-e-nesh-e-tez
Khaar-e-gham ki tere deewane ki kaawish aur hai
Mutribo ba-saaz aao tum hamari bazm mein
Saaz o saman se tumhari itni saazish aur hai
Thookta bhi dukhtar-e-raz par nahin mast-e-alast
Jo ke hai is fahisha par ghash woh fahish aur hai
Taab kya hamtaab howe us se khursheed-e-falak
Aaftab-e-dagh-e-dil ki apne taabish aur hai
Sab mita dein dil se hain jitni ke is mein khwahishen
Gar hamen maloom ho kuchh is ki khwahish aur hai
Abr mat ham-chashm hona chashm-e-darya-bar se
Teri barish aur hai aur is ki barish aur hai
Hai to gardish-e-charkh ki bhi fitna-angezi mein taaq
Teri chashm-e-fitna-za ki lek gardish aur hai
But-parasti jis se howe haq-parasti aye Zafar!
Kya kahun tujh se ke woh tarz-e-parastish aur hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں