واں ارادہ آج اس قاتل کے دل میں اور ہے — بہادرشاہ ظفر
شاعر
واں ارادہ آج اس قاتل کے دل میں اور ہے
واں ارادہ آج اس قاتل کے دل میں اور ہے
اور یہاں کچھ آرزو بسمل کے دل میں اور ہے
وصل کی ٹھہراوے ظالم تو کسی صورت سے آج
ورنہ ٹھہری کچھ ترے مائل کے دل میں اور ہے
ہے ہلال و بدر میں اک نور پر جو روشنی
دل میں ناقص کے ہے وہ کامل کے دل میں اور ہے
پہلے تو ملتا ہے دل داری سے کیا کیا دل ربا
باندھتا منصوبے پھر وہ مل کے دل میں اور ہے
ہے مجھے بعد از سوال بوسہ خواہش وصل کی
یہ تمنا ایک اس سائل کے دل میں اور ہے
گو وہ محفل میں نہ بولا پا گئے چتون سے ہم
آج کچھ اس رونق محفل کے دل میں اور ہے
یوں تو ہے وہ ہی دل عالم کے دل میں اے ظفرؔ
اس کا عالم مرد صاحب دل کے دل میں اور ہے
Waan iraada aaj us qaatil ke dil mein aur hai
Waan iraada aaj us qaatil ke dil mein aur hai
Aur yahaan kuchh aarzoo bismil ke dil mein aur hai
Wasl ki ṭhahrāve zaalim tu kisi soorat se aaj
Warna ṭhahrī kuchh tere maa'il ke dil mein aur hai
Hai hilāl o badr mein ik noor par jo roshnī
Dil mein nāqis ke hai wo kaamil ke dil mein aur hai
Pahle to milta hai dil daari se kya kya dil ruba
Baandhta mansūbe phir wo mil ke dil mein aur hai
Hai mujhe ba'ad az sawāl bosa khwāhish-e-wasl ki
Ye tamannaa ek us saa'il ke dil mein aur hai
Go wo mehfil mein na bola paa gaye chittōñ se hum
Aaj kuchh us raunaq-e-mehfil ke dil mein aur hai
Yuñ to hai wo hi dil aalam ke dil mein ae Zafar
Us ka aalam mard-e-saahib-dil ke dil mein aur hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں