ہم کہاں آئنہ لے کر آئے — باقی صدیقی
شاعر
ہم کہاں آئنہ لے کر آئے
ہم کہاں آئنہ لے کر آئے
لوگ اٹھائے ہوئے پتھر آئے
دل کے ملبے میں دبا جاتا ہوں
زلزلے کیا مرے اندر آئے
جلوہ جلوے کے مقابل ہی رہا
تم نہ آئینے سے باہر آئے
دل سلاسل کی طرح بجنے لگا
جب ترے گھر کے برابر آئے
جن کے سائے میں صبا چلتی تھی
پھر نہ وہ لوگ پلٹ کر آئے
شعر کا روپ بدل کر باقیؔ
دل کے کچھ زخم زباں پر آئے
Hum kahan aaina le kar aaye
Hum kahan aaina le kar aaye
Log uthaye hue patthar aaye
Dil ke malbe mein daba jata hoon
Zalzale kya mere andar aaye
Jalwa jalwe ke muqabil hi raha
Tum na aaine se bahar aaye
Dil salasil ki tarah bajne laga
Jab tere ghar ke barabar aaye
Jin ke saaye mein saba chalti thi
Phir na woh log palat kar aaye
Sher ka roop badal kar Baqi
Dil ke kuchh zakhm zabaan par aaye
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں