جنوں کی راکھ سے منزل میں رنگ کیا آئے — باقی صدیقی
شاعر
جنوں کی راکھ سے منزل میں رنگ کیا آئے
جنوں کی راکھ سے منزل میں رنگ کیا آئے
متاع درد تو ہم راہ میں لٹا آئے
وہ گرد اڑائی کسی نے کہ سانس گھٹنے لگی
ہٹے یہ راہ سے دیوار تو ہوا آئے
کسی مقام تمنا سے جب بھی پلٹے ہیں
ہمارے سامنے اپنے ہی نقش پا آئے
نمو کے بوجھ سے شاخیں نہ ٹوٹ جائیں کہیں
تم آؤ تو کوئی غنچہ کھلے صبا آئے
یہ دل کی پیاس یہ دنیا کے فاصلے باقیؔ
بہت قریب سے اب تو کوئی صدا آئے
Junūñ kī raakh se manzil meñ rañg kyā aa.e
Junūñ kī raakh se manzil meñ rañg kyā aa.e
Matā-e-dard to ham rāh meñ luṭā aa.e
Vo gard uṛā.ī kisī ne ki sāñs ghuṭne lagī
Haṭe ye rāh se dīvār to havā aa.e
Kisī maqām-e-tamannā se jab bhī palṭe hain
Hamāre sāmne apne hī naqsh-e-pā aa.e
Namū ke bojh se shākheñ na ṭūṭ jā.eñ kahīñ
Tum aao to koī ghuncha khule sabā aa.e
Ye dil kī pyās ye duniyā ke fāsle Baqī'
Bahut qarīb se ab to koī sadā aa.e
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں