وہ مقام دل و جاں کیا ہوگا — باقی صدیقی
شاعر
وہ مقام دل و جاں کیا ہوگا
وہ مقام دل و جاں کیا ہوگا
تو جہاں آخری پردا ہوگا
منزلیں راستہ بن جاتی ہیں
ڈھونڈنے والوں نے دیکھا ہوگا
سائے میں بیٹھے ہوئے سوچتے ہیں
کون اس دھوپ میں چلتا ہوگا
تیری ہر بات پہ چپ رہتے ہیں
ہم سا پتھر بھی کوئی کیا ہوگا
ابھی دل پر ہیں جہاں کی نظریں
آئنہ اور بھی دھندلا ہوگا
راز سر بستہ ہے محفل تیری
جو سمجھ لے گا وہ تنہا ہوگا
اس طرح قطع تعلق نہ کرو
اس طرح اور بھی چرچا ہوگا
بعد مدت کے چلے دیوانے
کیا ترے شہر کا نقشہ ہوگا
سب کا منہ تکتے ہیں یوں ہم جیسے
کوئی تو بات سمجھتا ہوگا
پھول یہ سوچ کے کھل اٹھتے ہیں
کوئی تو دیدۂ بینا ہوگا
خود سے ہم دور نکل آئے ہیں
تیرے ملنے سے بھی اب کیا ہوگا
ہم ترا راستہ تکتے ہوں گے
اور تو سامنے بیٹھا ہوگا
خود کو یاد آنے لگے ہم باقیؔ
پھر کسی بات پہ جھگڑا ہوگا
Woh maqam dil-o-jaan kya hoga
Woh maqam-e-dil-o-jaan kya hoga
Tu jahan aakhiri parda hoga
Manzilein rasta ban jaati hain
Dhoondne walon ne dekha hoga
Saye mein baithe hue sochte hain
Kaun is dhoop mein chalta hoga
Teri har baat pe chup rahte hain
Hum sa patthar bhi koi kya hoga
Abhi dil par hain jahan ki nazrein
Aaina aur bhi dhundla hoga
Raz sar-basta hai mehfil teri
Jo samajh lega woh tanha hoga
Is tarah qata-e-taalluq na karo
Is tarah aur bhi charcha hoga
Baad muddat ke chale deewane
Kya tere shahar ka naqsha hoga
Sab ka munh takte hain yun hum jaise
Koi to baat samajhta hoga
Phool yeh soch ke khul uthte hain
Koi to deedah-e-beena hoga
Khud se hum door nikal aaye hain
Tere milne se bhi ab kya hoga
Hum tera rasta takte honge
Aur tu samne baitha hoga
Khud ko yaad aane lage hum Baqiؔ
Phir kisi baat pe jhagda hoga
شاعر کے بارے میں
ِباقی صدیقی اردو اور پوٹھوہاری ادب کے اُن ممتاز شاعروں میں شمار ہوتے ہیں جنہوں نے سادگی، خلوص اور انسانی احساسات کو اپنی شاعری کا محور بنایا۔ ان کا...
مکمل تعارف پڑھیں