ایسا نہیں سمجھنا کہیں جا رہا ہوں میں — دانش نقوی
شاعر
ایسا نہیں سمجھنا کہیں جا رہا ہوں میں
ایسا نہیں سمجھنا کہیں جا رہا ہوں میں
تم میرے پاس بیٹھو ابھی آ رہا ہوں میں
اے شخص تھوڑی دیر مجھے حوصلہ نہ دے
کتنے دنوں کے بعد تو گھبرا رہا ہوں میں
اب شرم آ رہی ہے مجھے چیختے ہوئے
کچھ روز ایسی باتوں پہ ہنستا رہا ہوں میں
مسجد خدا کا گھر ہے یہی بات سوچ کر
مسجد کے ہر ستون سے ٹکرا رہا ہوں میں
حل ہو تو جائے گا یہ جدائی کا مسئلہ
فی الحال اپنے آپ کو سمجھا رہا ہوں میں
دانش گزشتہ سال کی تصویر دیکھ کر
حیران ہو رہا ہوں کہ ایسا رہا ہوں میں
Aisa nahin samajhna kahin ja raha hoon main
Aisa nahin samajhna kahin ja raha hoon main
Tum mere paas baitho abhi aa raha hoon main
Ae shakhs thodi der mujhe hausla na de
Kitne dinon ke baad to ghabra raha hoon main
Ab sharm aa rahi hai mujhe cheekhte hue
Kuchh roz aisi baaton pe hansta raha hoon main
Masjid Khuda ka ghar hai yahi baat soch kar
Masjid ke har sutoon se takra raha hoon main
Hal ho to jaayega yeh judaai ka masla
Filhal apne aap ko samjha raha hoon main
Danish! guzishta saal ki tasveer dekh kar
Hairan ho raha hoon ke aisa raha hoon main