مصیبتیں سر برہنہ ہونگی عقیدتیں بے لباس ہونگی — دانش نقوی
شاعر
مصیبتیں سر برہنہ ہونگی عقیدتیں بے لباس ہونگی
مصیبتیں سر برہنہ ہونگی عقیدتیں بے لباس ہونگی
تھکے ہووں کو کہاں پتہ تھا کہ صبحیں یوں بد حواس ہونگی
تو دیکھ لینا ہمارے بچوں کے بال جلدی سفید ہونگے
ہماری چھوڑی ہوئی اداسی سے سات نسلیں اداس ہونگی
کہیں ملیں تم کو بھوری رنگت کی گہری آنکھیں، مجھے بتانا
میں جانتا ہوں کہ ایسی آنکھیں بہت اذیت شناس ہونگی
میں سردیوں کی ٹھٹھرتی شاموں کے سرد لمحوں میں سوچتا ہوں
وہ سرخ ہاتھوں کی گرم پوریں نجانے اب کس کو راس ہونگی
یہ جس کی بیٹی کے سر کی چادر کئ جگہ سے پھٹی ہوئ ہے
تم اس کے گاوں میں جا کے دیکھو تو آدھی فصلیں کپاس ہونگی
~
Musibaten sar barahna hongi aqidaten be-libaas hongi
Musibaten sar barahna hongi aqidaten be-libaas hongi
Thake hoovon ko kahan pata tha ke subhen yun bad-hawas hongi
Tu dekh lena hamare bachchon ke baal jaldi safed honge
Hamari chhodhi hui udasi se saat naslen udaas hongi
Kahin milen tum ko bhoori rangat ki gehri aankhen, mujhe batana
Main jaanta hoon ke aisi aankhen bahut aziyat shinaas hongi
Main sardiyon ki thithurti shaamon ke sard lamhon mein sochta hoon
Woh surkh hathon ki garam pooren najane ab kis ko raas hongi
Yeh jis ki beti ke sar ki chadar kai jagah se phati hui hai
Tum us ke gaon mein ja ke dekho to aadhi faslen kapaas hongi
~