درون جسم کی چیخ و پکار سے پہلے — دانش نقوی
شاعر
درون جسم کی چیخ و پکار سے پہلے
درون جسم کی چیخ و پکار سے پہلے
صدائیں آتی تھیں قرب و جوار سے پہلے
ہمارے ربط کو ترتیب نے بگاڑا ہے
میں اسکے ساتھ کھڑا تھا قطار سے پہلے
نظر نہ آنا بصارت کا عیب تھوڑی ہے
دکھائی دیتا ہے گرد و غبار سے پہلے
کسی نے گنتے ہوئے مجھ سے بے ایمانی کی
میں ڈھیر سارا پڑا تھا شمار سے پہلے
مجھے یہ اپنے قبیلے کا شخص لگتا ہے
گرے ہیں بازو زمیں پر سوار سے پہلے
تمہارا دکھ بھی اسی شرط پر سنوں گا میں
کروں گا بات کسی غمگسار سے پہلے
میں سر جھکا کے ہر اک بات مان لیتا ہوں
کسے خبر تھی تیرے اختیار سے پہلے
Daroon-e-jism ki cheekh-o-pukar se pehle
Daroon-e-jism ki cheekh-o-pukaar se pehle
Sadaein aati thin qurb-o-jawar se pehle
Hamare rabt ko tarteeb ne bigada hai
Main uske saath khada tha qatar se pehle
Nazar na aana basarat ka aib thodi hai
Dikhayi deta hai gard-o-ghubar se pehle
Kisi ne ginte hue mujh se be-imaani ki
Main dheer saara pada tha shumaar se pehle
Mujhe yeh apne qabeele ka shakhs lagta hai
Gire hain baazu zameen par sawar se pehle
Tumhara dukh bhi isi shart par sununga main
Karunga baat kisi ghamgusar se pehle
Main sar jhuka ke har ek baat maan leta hoon
Kise khabar thi tere ikhtiyar se pehle