ہچکچاہٹ بھی مصیبت ہی بنی جاتی ہے — دانش نقوی
شاعر
ہچکچاہٹ بھی مصیبت ہی بنی جاتی ہے
ہچکچاہٹ بھی مصیبت ہی بنی جاتی ہے
بولنے لگتا ہوں آواز چلی جاتی ہے
دیکھ اے پیڑ تو اس وقت کوئ بات نہ کر
شام کے وقت پرندوں کی سنی جاتی ہے
آنا چاہو تو محبت کی طرف سے آنا
مجھ میں ہر سمت یہی ایک گلی جاتی ہے
اپنی تکمیل کروں یا کہ تعلق دیکھوں؟
پورا ہوتا ہوں تو برسوں کی کمی جاتی ہے
زندگی اب تو مجھے تیری ضرورت ہی نہیں
اب تو کس واسطے آسان ہوئی جاتی ہے
Hichkichahat bhi museebat hi bani jaati hai
Hichkichahat bhi museebat hi bani jaati hai
Bolne lagta hoon awaz chali jaati hai
Dekh ae ped tu is waqt koi baat na kar
Sham ke waqt parindon ki suni jaati hai
Aana chaho to mohabbat ki taraf se aana
Mujh mein har simt yahi ek gali jaati hai
Apni takmeel karoon ya ke ta'alluq dekhun?
Poora hota hoon to barson ki kami jaati hai
Zindagi ab to mujhe teri zaroorat hi nahin
Ab to kis waaste asaan hui jaati hai