خود پسندی سکھا رہا ہوں میں — دانش نقوی
شاعر
خود پسندی سکھا رہا ہوں میں
خود پسندی سکھا رہا ہوں میں
آئینے ہی بنا رہا ہوں میں
کیا خبر اس نے کچھ نہ پوچھا ہو
جس کو سب کچھ بتا رہا ہوں میں
ایک رستہ ہے جس پہ برسوں سے
آ رہا ہوں نہ جا رہا ہوں میں
ایک تم ہی نہیں محبت میں
جانے کیا کیا گنوا رہا ہوں میں
آگیا تھا میں درمیاں اپنے
خود سے کہہ کر ہٹا رہا ہوں میں
اس کا دانش لحاظ کر لینا
تم کو سینے لگا رہا ہوں میں
Khud pasandi sikha raha hoon main
Khud pasandi sikha raha hoon main
Aaine hi bana raha hoon main
Kya khabar us ne kuch na poocha ho
Jis ko sab kuch bata raha hoon main
Ek rasta hai jis pe barson se
Aa raha hoon na ja raha hoon main
Ek tum hi nahin mohabbat mein
Jaane kya kya ganwa raha hoon main
Aa gaya tha main darmiyaan apne
Khud se keh kar hata raha hoon main
Us ka Danish lihaaz kar lena
Tum ko seene laga raha hoon main