رکھتے ہیں، مگر اتنا زیادہ نہیں رکھتے — دانش نقوی
شاعر
رکھتے ہیں، مگر اتنا زیادہ نہیں رکھتے
رکھتے ہیں، مگر اتنا زیادہ نہیں رکھتے
اس دور میں احساس کا مادہ نہیں رکھتے!!
اک بار جو آجائیں تیرے پاس سے ہوکر
پھر وہ تو کہیں کا بھی ارادہ نہیں رکھتے
ہم لوگ انا باز بھی ہوتے ہیں غضب کے
مانگیں بھی تو دامن کو کشادہ نہیں رکھتے
تم توڑ بھی دو پھر بھی کوئی بات نہیں ہے
ہم دل میں کسی شخص کا وعدہ نہیں رکھتے
کرلیتے ہو اس میں بھی کسی شئے کی ملاوٹ
تم لوگ محبت کو بھی سادہ نہیں رکھتے
Rakhte hain, magar itna zyada nahin rakhte
Rakhte hain, magar itna zyada nahin rakhte
Is daur mein ehsaas ka maddah nahin rakhte!!
Ik baar jo aa jaayen tere paas se hokar
Phir woh to kahin ka bhi irada nahin rakhte
Hum log ana baaz bhi hote hain ghazab ke
Maangen bhi to daaman ko kushada nahin rakhte
Tum tod bhi do phir bhi koi baat nahin hai
Hum dil mein kisi shakhs ka waada nahin rakhte
Kar lete ho is mein bhi kisi shai ki milawat
Tum log mohabbat ko bhi saada nahin rakhte