شہر میں چاروں طرف ایک سڑک جاتی ہے — دانش نقوی
شاعر
شہر میں چاروں طرف ایک سڑک جاتی ہے
شہر میں چاروں طرف ایک سڑک جاتی ہے
میں بھٹکتا ہوں میرے ساتھ بھٹک جاتی ہے
جس الاؤ سے مجھے تم نے گزارا، مجھ پر
ہاتھ رکھو تو میری مٹی کھنک جاتی ہے
اتنا مانوس ہوں خود جا کے پکڑ لاتا ہوں
گھر کی ویرانی اگر راہ بھٹک جاتی ہے
اس کا مطلب ہے ابھی زندہ ہے پتھرائی نہیں
ہنسنے لگتا ہوں اگر آنکھ چھلک جاتی ہے
اب تسلسل سے میں خاموش نہیں رہ سکتا
بات کرلیتا ہوں خاموشی اٹک جاتی ہے
شور کرتے ہیں کسی یاد کے پنچھی مجھ میں
اور پھر بعد میں تنہائی بھڑک جاتی ہے
Sheher mein charon taraf ek sadak jaati hai
Sheher mein charon taraf ek sadak jaati hai
Main bhatakta hoon mere saath bhatak jaati hai
Jis alao se mujhe tum ne guzara, mujh par
Haath rakho to meri mitti khanak jaati hai
Itna maanoos hoon khud ja ke pakad laata hoon
Ghar ki veerani agar raah bhatak jaati hai
Is ka matlab hai abhi zinda hai pathrai nahin
Hansne lagta hoon agar aankh chhalak jaati hai
Ab tasalsul se main khamosh nahin reh sakta
Baat kar leta hoon khamoshi atak jaati hai
Shor karte hain kisi yaad ke panchhi mujh mein
Aur phir baad mein tanhai bharak jaati hai