سنی ہے میں نے کسی کی لگی ہوئی آواز — دانش نقوی
شاعر
سنی ہے میں نے کسی کی لگی ہوئی آواز
سنی ہے میں نے کسی کی لگی ہوئی آواز
ہوا کے ساتھ فضا میں چلی ہوئی آواز
میں اس کو دیکھتا رہتا تھا خالی آنکھوں سے
پھر ایک روز نکالی بھری ہوئی آواز
سکوت کیا ہے تجھے چیخ کر بتاوں گا
بحال ہوگی کبھی تو رکی ہوئی آواز
تو بول تاکہ سماعت کو کچھ نیا تو لگے
ہمیشہ میں نے سنی ہے سنی ہوئی آواز
سبب بتاوں کہ ہونٹوں پہ نیل کیسے پڑے؟
میں روک لیتا تھا اکثر لگی ہوئی آواز
تمہارا نام پکارا تو سر میں نکلی ہے
گزشتہ کتنے دنوں کی پھٹی ہوئی آواز
Suni hai main ne kisi ki lagi hui aawaz
Suni hai main ne kisi ki lagi hui aawaz
Hawa ke saath fiza mein chali hui aawaz
Main usko dekhta rehta tha khaali aankhon se
Phir ek roz nikali bhari hui aawaz
Sukoot kya hai tujhe cheekh kar bataunga
Bahal hogi kabhi to ruki hui aawaz
Tu bol taake sama'at ko kuch naya to lage
Hamesha main ne suni hai suni hui aawaz
Sabab bataun ki honton pe neel kaise pade?
Main rok leta tha aksar lagi hui aawaz
Tumhara naam pukara to sar mein nikli hai
Guzishta kitne dinon ki phati hui aawaz