تمہاری جانب بھی کیا یونہی بدحواس آتی ہے تم سناو؟ — دانش نقوی
شاعر
تمہاری جانب بھی کیا یونہی بدحواس آتی ہے تم سناو؟
تمہاری جانب بھی کیا یونہی بدحواس آتی ہے تم سناو؟
یہاں کہیں سے ہوا بھی آئے اداس آتی ہے تم سناو
تمہیں بتایا تھا پیڑ پودوں کا رنگ تبدیل ہو رہا ہے
اور اب درختوں کے خشک پتوں سے باس آتی ہے تم سناو
میں کیا سناوں کہ میرے جیسی سدا کی بنجر زمین پر بھی
تمہارے جیسوں کے بول پڑنے سے گھاس آتی ہے تم سناو
میری سماعت کے حق میں اب بس یہ دو ہی الفاظ رہ گئے ہیں
وہ اتنا کہتی ہے جب کبھی میرے پاس آتی ہے "تم سناو"
میرا تو اس بار پہلے والے سے ڈھیر نقصان ہوگیا ہے
تمہیں تو ہر بار رت جدائی کی راس آتی ہے تم سناو
Tumhari jaanib bhi kya yunhi badhawaas aati hai tum sunao?
Tumhari jaanib bhi kya yunhi badhawaas aati hai tum sunao?
Yahan kahin se hawa bhi aaye udaas aati hai tum sunao
Tumhein bataya tha ped paudon ka rang tabdeel ho raha hai
Aur ab darakhton ke khushk patton se baas aati hai tum sunao
Main kya sunaoon ke mere jaisi sada ki banjar zameen par bhi
Tumhare jaison ke bol padne se ghaas aati hai tum sunao
Meri sama'at ke haq mein ab bas ye do hi alfaaz reh gaye hain
Woh itna kehti hai jab kabhi mere paas aati hai "tum sunao"
Mera to is baar pehle wale se dher nuqsaan ho gaya hai
Tumhein to har baar rut judaai ki raas aati hai tum sunao