یہ جو کوئی کام بھی مستقل نہیں ہو رہا — دانش نقوی
شاعر
یہ جو کوئی کام بھی مستقل نہیں ہو رہا
یہ جو کوئی کام بھی مستقل نہیں ہو رہا
نہیں ہو رہا تو بوجہ دل نہیں ہو رہا
میری توڑ پھوڑ سے لگ رہا ہے مجھے بھی اب
کہ میں احتیاط سے منتقل نہیں ہو رہا
تیرے سخت لہجوں کی زد میں آکے بگڑ گیا
میرا اب مزاج ہی معتدل نہیں ہو رہا
میری چپ سے میرے مخالفین بھی تنگ ہیں
میں کسی بھی بات پہ مشتعل نہیں ہو رہا
نظر آ رہا ہے کہ دشمنوں کا دیا نہیں
تیرا زخم زخموں سے متصل نہیں ہو رہا
Yeh jo koi kaam bhi mustaqil nahin ho raha
Yeh jo koi kaam bhi mustaqil nahin ho raha
Nahin ho raha toh ba-wajah-e-dil nahin ho raha
Meri tod phod se lag raha hai mujhe bhi ab
Ke main ehtiyaat se muntaqil nahin ho raha
Tere sakht lahjon ki zad mein aake bigad gaya
Mera ab mizaaj hi mo'tadil nahin ho raha
Meri chup se mere mukhalifeen bhi tang hain
Main kisi bhi baat pe mushta'il nahin ho raha
Nazar aa raha hai ke dushmanon ka diya nahin
Tera zakhm zakhmon se muttasil nahin ho raha