یہ صرف ہم ہی سمجھتے ہیں جیسے اترے ہیں — دانش نقوی
شاعر
یہ صرف ہم ہی سمجھتے ہیں جیسے اترے ہیں
یہ صرف ہم ہی سمجھتے ہیں جیسے اترے ہیں
سوار ساتھ ہوئے تھے اکیلے اترے ہیں
میں اس بلندی سے گرنا ہی سوچ سکتا ہوں
اترنے والے بتائیں کہ کیسے اترے ہیں
لگا یہی تھا کہ اب حبس میں ہی گزرے گی
تمہارے بعد بھی موسم تو اچھے اترے ہیں
وہ میرے سامنے آ بیٹھا سیڑھیاں چڑھ کر
پھر اس کے بعد جو لوگوں کے چہرے اترے ہیں
کوئی گلہ نہیں امید بھی یہی تھی مجھے
یہ لوگ میری توقع پہ پورے اترے ہیں
ہوا کے زور سے گرتے درخت اپنی جگہ
مگر وہ پھل جو درختوں سے کچے اترے ہیں
Yeh sirf hum hi samajhte hain jaise utre hain
Yeh sirf hum hi samajhte hain jaise utre hain
Sawar saath hue the akele utre hain
Main is bulandi se girna hi soch sakta hoon
Utarne wale bataein ki kaise utre hain
Laga yehi tha ki ab habs mein hi guzregi
Tumhare baad bhi mausam to acche utre hain
Woh mere saamne aa baitha seedhiyan chadh kar
Phir uske baad jo logon ke chehre utre hain
Koi gila nahin umeed bhi yehi thi mujhe
Yeh log meri tawaqqo pe poore utre hain
Hawa ke zor se girte darakht apni jagah
Magar woh phal jo darakhton se kacche utre hain