چار سو ہے بڑی وحشت کا سماں
چار سو ہے بڑی وحشت کا سماں کسی آسیب کا سایہ ہے یہاں کوئی آواز سی ہے مرثیہ خواں شہر کا شہر بنا گورستاں ایک مخلوق جو بستی ہے یہاں جس پہ انساں کا گزرتا ہے گماں خود تو ساکت ہے مثال تصویر جنبش غیر سے ہے رقص کناں کوئی چہرہ نہیں جز زیر نقاب نہ کوئی جسم ہے جز بے دل و جاں علما ہیں دشمن فہم و تحقیق کودنی شیوۂ دانش منداں شاعر قوم پہ بن آئی ہے کذب کیسے ہو تصوف میں نہاں لب ہیں مصروف قصیدہ گوئی اور آنکھوں میں ہے ذلت عریاں سبز خط عاقبت و دیں کے اسیر پارسا خوش تن و نو خیز جواں یہ زن نغمہ گر و عشق شعار یاس و حسرت سے ہوئی ہے حیراں کس سے اب آرزوئے وصل کریں اس خرابے میں کوئی مرد کہاں
English rendering
Chaar su hai badi wehshat ka samaan Kisi aaseb ka saaya hai yahan Koi aawaz si hai marsiya khwan Shehar ka shehar bana goristan Ek makhlooq jo basti hai yahan Jis pe insaan ka guzarta hai gumaan Khud to saakit hai misaal-e-tasveer Junbish-e-ghair se hai raqs-kunaan Koi chehra nahin juz zer-e-naqaab Na koi jism hai juz be-dil-o-jaan Ulma hain dushman-e-fehm-o-tehqeeq Koodani shewa-e-daanishmandaan Shaayar-e-qaum pe ban aayi hai Kizb kaise ho tasawwuf mein nihan Lab hain masroof-e-qaseeda goyi Aur aankhon mein hai zillat-e-uryan Sabz-e-khat aaqibat-o-deen ke aseer Parsa khush-tan-o-nau-khez jawan Ye zan naghma-gar-o-ishq sha'aar Yaas-o-hasrat se hui hai hairan Kis se ab aarzoo-e-wasl karein Is kharaabe mein koi mard kahan