کبھی دھنک سی اترتی تھی ان نگاہوں میں — فہمیدہ ریاض
شاعر
کبھی دھنک سی اترتی تھی ان نگاہوں میں
کبھی دھنک سی اترتی تھی ان نگاہوں میں
وہ شوخ رنگ بھی دھیمے پڑے ہواؤں میں
میں تیز گام چلی جا رہی تھی اس کی سمت
کشش عجیب تھی اس دشت کی صداؤں میں
وہ اک صدا جو فریب صدا سے بھی کم ہے
نہ ڈوب جائے کہیں تند رو ہواؤں میں
سکوت شام ہے اور میں ہوں گوش بر آواز
کہ ایک وعدے کا افسوں سا ہے فضاؤں میں
مری طرح یوں ہی گم کردہ راہ چھوڑے گی
تم اپنی بانہہ نہ دینا ہوا کی بانہوں میں
نقوش پاؤں کے لکھتے ہیں منزل نا یافت
مرا سفر تو ہے تحریر میری راہوں میں
Kabhi dhanak si utarti thi in nigahon mein
Kabhi dhanak si utarti thi in nigahon mein
Woh shokh rang bhi dheeme pade hawaon mein
Main tez-gaam chali ja rahi thi us ki simt
Kashish ajeeb thi us dasht ki sadaon mein
Woh ik sada jo fareb-e-sada se bhi kam hai
Na doob jaaye kahin tund-rau hawaon mein
Sukoot-e-shaam hai aur main hoon gosh bar awaaz
Ke ek waade ka afsoon sa hai fizaaon mein
Meri tarah yunhi gum-karda raah chhode gi
Tum apni baanh na dena hawa ki baahon mein
Naqoosh paanv ke likhte hain manzil-e-na-yaaft
Mera safar to hai tehreer meri raahon mein
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں