مدت سے یہ عالم ہے دل کا ہنستا بھی نہیں روتا بھی نہیں — فہمیدہ ریاض
شاعر
مدت سے یہ عالم ہے دل کا ہنستا بھی نہیں روتا بھی نہیں
مدت سے یہ عالم ہے دل کا ہنستا بھی نہیں روتا بھی نہیں
ماضی بھی کبھی دل میں نہ چبھا آئندہ کا سوچا بھی نہیں
وہ میرے ہونٹ پہ لکھا ہے جو حرف مکمل ہو نہ سکا
وہ میری آنکھ میں بستا ہے جو خواب کبھی دیکھا بھی نہیں
چلتے چلتے کچھ تھم جانا پھر بوجھل قدموں سے چلنا
یہ کیسی کسک سی باقی ہے جب پاؤں میں وہ کانٹا بھی نہیں
دھندلائی ہوئی شاموں میں کوئی پرچھائیں سی پھرتی رہتی ہے
میں آہٹ سنتی ہوں جس کی وہ وہم نہیں سایہ بھی نہیں
تزئین لب و گیسو کیسی پندار کا شیشہ ٹوٹ گیا
تھی جس کے لئے سب آرائش اس نے تو ہمیں دیکھا بھی نہیں
Muddat se ye aalam hai dil ka hansta bhi nahin rota bhi nahin
Muddat se ye aalam hai dil ka hansta bhi nahin rota bhi nahin
Maazi bhi kabhi dil mein na chubha, aayindah ka socha bhi nahin
Woh mere honth pe likha hai jo harf mukammal ho na saka
Woh meri aankh mein basta hai jo khwaab kabhi dekha bhi nahin
Chalte chalte kuch thamm jaana phir bojhal qadmon se chalna
Ye kaisi kasak si baaqi hai jab paanv mein woh kaanta bhi nahin
Dhundlai hui shaamon mein koi parchhain si phirti rehti hai
Main aahat sunti hoon jis ki woh wahm nahin saaya bhi nahin
Taz'een-e-lab-o-gesu kaisi pindar ka sheesha toot gaya
Thi jis ke liye sab aaraish us ne to hamein dekha bhi nahin
شاعر کے بارے میں
فہمیدہ ریاض اردو ادب کی اُن منفرد، جری اور اثر انگیز آوازوں میں شمار ہوتی ہیں جنہوں نے شاعری کو محض جمالیاتی اظہار کے بجائے فکری، سماجی اور سیاسی م...
مکمل تعارف پڑھیں