چھپ کے اس نے جو خود نمائی کی — حسرت موہانی
شاعر
چھپ کے اس نے جو خود نمائی کی
چھپ کے اس نے جو خود نمائی کی
انتہا تھی یہ دل ربائی کی
مائل غمزہ ہے وہ چشم سیاہ
اب نہیں خیر پارسائی کی
ہم سے کیونکر وہ آستانہ چھٹے
مدتوں جس پہ جبہ سائی کی
دل نے برسوں بہ جستجوئے کمال
کوچۂ عشق میں گدائی کی
دام سے ان کے چھوٹنا تو کہاں
یاں ہوس بھی نہیں رہائی کی
کیا کیا یہ کہ اہل شوق کے ساتھ
تو نے کی بھی تو بے وفائی کی
ہو کے نادم وہ بیٹھے ہیں خاموش
صلح میں شان ہے لڑائی کی
اس تغافل شعار سے حسرتؔ
ہم میں طاقت نہیں جدائی کی
Chhap ke us ne jo khud namai ki
Chhap ke us ne jo khud namai ki
Intiha thi yeh dil rubaai ki
Maail ghamza hai woh chashm-e-siyah
Ab nahin khair parsaai ki
Ham se kyunkar woh aastana chhute
Muddaton jis pe jabha saai ki
Dil ne barson ba justuju-e-kamal
Kuucha-e-ishq mein gadaai ki
Daam se un ke chhutna to kahan
Yahan havas bhi nahin rihaai ki
Kya kya yeh ke ahl-e-shauq ke saath
Tu ne ki bhi to be-wafai ki
Hu ke nadim woh baithe hain khamosh
Sulh mein shaan hai ladai ki
Is taghaful shi'aar se Hasrat!
Ham mein taqat nahin judai ki
شاعر کے بارے میں
حسرت موہانی، جن کا اصل نام سید فضل الحسن تھا، یکم جنوری 1875 کو قصبہ موہان (اتر پردیش) میں پیدا ہوئے۔ علیگڑھ سے بی اے کرنے کے بعد وہ سر سید کی علمی...
مکمل تعارف پڑھیں