تاباں جو نور حسن بہ سیمائے عشق ہے — حسرت موہانی
شاعر
تاباں جو نور حسن بہ سیمائے عشق ہے
تاباں جو نور حسن بہ سیمائے عشق ہے
کس درجہ دل پذیر تماشائے عشق ہے
ارباب ہوش جتنے ہیں بیمار عقل ہیں
ان کے لیے ضرور مداوائے عشق ہے
میں کیا ہوں ایک ذرۂ صحرائے اشتیاق
دل کیا ہے ایک قطرۂ دریائے عشق ہے
شاہ و گدا کا فرق نہیں عہد حسن میں
اب جس کو دیکھیے اسے دعوائے عشق ہے
ظاہر ہے بے قرارئ پیہم سے حال دل
بے کار ہم کو دعوائے اخفائے عشق ہے
پنہاں حجاب ناز میں ہے صورت جمال
پیدا حروف شوق سے معنائے عشق ہے
اے اہل عقل کیوں ہو اسے فکر نام و ننگ
حسرتؔ خراب عشق ہے رسوائے عشق ہے
Taban jo noor-e-husn ba seemaye ishq hai
Taban jo noor-e-husn ba seemaye ishq hai
Kis darja dil pazeer tamashaye ishq hai
Arbab-e-hosh jitne hain beemar-e-aql hain
Un ke liye zaroor mudawaye ishq hai
Main kya hoon ek zarra sehra-e-ishtiyaq
Dil kya hai ek qatra daryaye ishq hai
Shah o gada ka farq nahin ahd-e-husn mein
Ab jis ko dekhiye use dawaye ishq hai
Zahir hai be-qarari-e-paiham se haal-e-dil
Be-kaar hum ko dawaye ikhfa-e-ishq hai
Pinhan hijab-e-naaz mein hai soorat-e-jamal
Peda huroof-e-shauq se maanay-e-ishq hai
Ae ahl-e-aql kyoon ho use fikr-e-naam-o-nang
Hasrat! kharab-e-ishq hai ruswaye ishq hai
شاعر کے بارے میں
حسرت موہانی، جن کا اصل نام سید فضل الحسن تھا، یکم جنوری 1875 کو قصبہ موہان (اتر پردیش) میں پیدا ہوئے۔ علیگڑھ سے بی اے کرنے کے بعد وہ سر سید کی علمی...
مکمل تعارف پڑھیں