اپنی انا کی آج بھی تسکین ہم نے کی — اقبال ساجد
شاعر
اپنی انا کی آج بھی تسکین ہم نے کی
اپنی انا کی آج بھی تسکین ہم نے کی
جی بھر کے اس کے حسن کی توہین ہم نے کی
لہجے کی تیز دھار سے زخمی کیا اسے
پیوست دل میں لفظ کی سنگین ہم نے کی
لائے بروئے کار نہ حسن و جمال کو
موقع تھا پھر بھی رات نہ رنگین ہم نے کی
جی بھر کے دل کی موت پہ رونے دیا اسے
پرسا دیا نہ صبر کی تلقین ہم نے کی
دریا کی سیر کرنے اکیلے چلے گئے
شام شفق کی آپ ہی تحسین ہم نے کی
اقبال ساجد
Apni ana ki aaj bhi taskeen hum ne ki
Apni ana ki aaj bhi taskeen hum ne ki
Ji bhar ke us ke husn ki tauheen hum ne ki
Lahje ki tez dhaar se zakhmi kiya use
Paiwast dil mein lafz ki sangeen hum ne ki
Laye bar-rue kaar na husn-o-jamal ko
Mauqa tha phir bhi raat na rangeen hum ne ki
Ji bhar ke dil ki maut pe rone diya use
Pursa diya na sabr ki talqeen hum ne ki
Darya ki sair karne akele chale gaye
Sham-e-shafaq ki aap hi tahseen hum ne ki
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں