دنیا نے زر کے واسطے کیا کچھ نہیں کیا — اقبال ساجد
شاعر
دنیا نے زر کے واسطے کیا کچھ نہیں کیا
دنیا نے زر کے واسطے کیا کچھ نہیں کیا
اور ہم نے شاعری کے سوا کچھ نہیں کیا
غربت بھی اپنے پاس ہے اور بھوک ننگ بھی
کیسے کہیں کہ اس نے عطا کچھ نہیں کیا
چپ چاپ گھر کے صحن میں فاقے بچھا دئیے
روزی رساں سے ہم نے گلہ کچھ نہیں کیا
پچھلے برس بھی بوئی تھیں لفظوں کی کھیتیاں
اب کے برس بھی اس کے سوا کچھ نہیں کیا
غربت کی تیز آگ پہ اکثر پکائی بھوک
خوش حالیوں کے شہر میں کیا کچھ نہیں کیا
بستی میں خاک اڑائی نہ صحرا میں ہم گئے
کچھ دن سے ہم نے خلق خدا کچھ نہیں کیا
مانگی نہیں کسی سے بھی ہمدردیوں کی بھیک
ساجدؔ کبھی خلاف انا کچھ نہیں کیا
اقبال ساجد
Duniya ne zar ke waaste kya kuch nahin kiya
Duniya ne zar ke waaste kya kuch nahin kiya
Aur hum ne shayari ke siwa kuch nahin kiya
Ghurbat bhi apne paas hai aur bhook nang bhi
Kaise kahen ke us ne ata kuch nahin kiya
Chup chap ghar ke sahn mein faqe bichha diye
Rozi rasaan se hum ne gila kuch nahin kiya
Pichhle baras bhi boi thin lafzon ki khetiyan
Ab ke baras bhi us ke siwa kuch nahin kiya
Ghurbat ki tez aag pe aksar pakayi bhook
Khush-haliyon ke shahr mein kya kuch nahin kiya
Basti mein khaak uDayi na sahra mein hum gaye
Kuch din se hum ne khalq-e-khuda kuch nahin kiya
Maangi nahin kisi se bhi hamdardiyon ki bheek
Sajid kabhi khilaf-e-ana kuch nahin kiya
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں