کٹتے ہی سنگ لفظ گرانی نکل پڑے — اقبال ساجد
شاعر
کٹتے ہی سنگ لفظ گرانی نکل پڑے
کٹتے ہی سنگ لفظ گرانی نکل پڑے
شیشہ اٹھا کہ جوئے معانی نکل پڑے
پیاسو رہو نہ دشت میں بارش کے منتظر
مارو زمیں پہ پاؤں کہ پانی نکل پڑے
مجھ کو ہے موج موج گرہ باندھنے کا شوق
پھر شہر کی طرف نہ روانی نکل پڑے
ہوتے ہی شام جلنے لگا یاد کا الاؤ
آنسو سنانے دکھ کی کہانی نکل پڑے
ساجدؔ تو پھر سے خانۂ دل میں تلاش کر
ممکن ہے کوئی یاد پرانی نکل پڑے
اقبال ساجد
KaTte hi sang lafz girani nikal paDe
KaTte hi sang lafz girani nikal paDe
Sheesha uTha ke ju-e-ma'ani nikal paDe
Pyaaso raho na dasht mein barish ke muntazir
Maaro zameen pe paaon ke pani nikal paDe
Mujh ko hai mauj mauj girah baandhne ka shauq
Phir shahr ki taraf na rawani nikal paDe
Hote hi shaam jalne laga yaad ka alaao
Aansu sunane dukh ki kahani nikal paDe
Sajid tu phir se khana-e-dil mein talash kar
Mumkin hai koi yaad purani nikal paDe
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں