ملا تو حادثہ کچھ ایسا دل خراش ہوا — اقبال ساجد
شاعر
ملا تو حادثہ کچھ ایسا دل خراش ہوا
ملا تو حادثہ کچھ ایسا دل خراش ہوا
وہ ٹوٹ پھوٹ کے بکھرا میں پاش پاش ہوا
تمام عمر ہی اپنے خلاف سازش کی
وہ احتیاط کی خود پر نہ راز فاش ہوا
ستم تو یہ ہے وہ فرہاد وقت ہے جس نے
نہ جوئے شیر نکالی نہ بت تراش ہوا
یہی تو دکھ ہے برائی بھی قاعدے سے نہ کی
نہ میں شریف رہا اور نہ بد معاش ہوا
ہو ایک بار کا رونا تو روؤں بھی دل کو
یہ آئنہ تو کئی بار پاش پاش ہوا
بلا کا حبس تھا ساجدؔ ہوا کی بستی میں
چلی جو سانس کی آری میں قاش قاش ہوا
اقبال ساجد
Mila to hadsa kuch aisa dil-kharash hua
Mila to hadsa kuch aisa dil-kharash hua
Woh tooṭ phooṭ ke bikhra main paash paash hua
Tamaam umr hi apne khilaf sazish ki
Woh ehtiyat ki khud par na raaz faash hua
Sitam to yeh hai woh Farhad-e-waqt hai jis ne
Na juu-e-sheer nikali na but-tarash hua
Yehi to dukh hai burayi bhi qaayde se na ki
Na main shareef raha aur na badma'ash hua
Ho ek baar ka rona to rou'un bhi dil ko
Yeh aaina to kayi baar paash paash hua
Bala ka habs tha Sajidؔ hawa ki basti mein
Chali jo saans ki aari main qaash qaash hua
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں