موند کر آنکھیں تلاش بحر و بر کرنے لگے — اقبال ساجد
شاعر
موند کر آنکھیں تلاش بحر و بر کرنے لگے
موند کر آنکھیں تلاش بحر و بر کرنے لگے
لوگ اپنی ذات کے اندر سفر کرنے لگے
مانجھیوں کے گیت سن کر آ گیا دریا کو جوش
ساحلوں پہ رقص تیزی سے بھنور کرنے لگے
بڑھ گیا ہے اس قدر اب سرخ رو ہونے کا شوق
لوگ اپنے خون سے جسموں کو تر کرنے لگے
باندھ دے شاخوں سے تو مٹی کے پھل کاغذ کے پھول
یہ تقاضا راہ میں اجڑے شجر کرنے لگے
گاؤں میں کچے گھروں کی قیمتیں بڑھنے لگیں
شہر سے نقل مکانی اہل زر کرنے لگے
جیسے ہر چہرے کی آنکھیں سر کے پیچھے آ لگیں
سب کے سب الٹے ہی قدموں سے سفر کرنے لگے
اب پڑھے لکھے بھی ساجدؔ آ کے بیکاری سے تنگ
شب کو دیواروں پہ چسپاں پوسٹر کرنے لگے
اقبال ساجد
Moond kar aankhen talash-e-bahr-o-bar karne lage
Moond kar aankhen talash-e-bahr-o-bar karne lage
Log apni zaat ke andar safar karne lage
Manjhion ke geet sun kar aa gaya darya ko josh
Sahilon pe raqs tezi se bhanwar karne lage
Baṛh gaya hai is qadar ab surkh-ru hone ka shauq
Log apne khoon se jismon ko tar karne lage
Baandh de shakhon se tu miṭṭi ke phal kaghaz ke phool
Yeh taqaza raah mein ujṛe shajar karne lage
Gaon mein kache gharon ki qeematein baṛhne lagin
Shehar se naql-e-makani ahl-e-zar karne lage
Jaise har chehre ki aankhen sar ke peeche aa lagin
Sab ke sab ulte hi qadmon se safar karne lage
Ab paṛhe likhe bhi Sajidؔ aa ke be-kari se tang
Shab ko deewaron pe chispan poster karne lage
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں