وہ مسلسل چپ ہے تیرے سامنے تنہائی میں — اقبال ساجد
شاعر
وہ مسلسل چپ ہے تیرے سامنے تنہائی میں
وہ مسلسل چپ ہے تیرے سامنے تنہائی میں
سوچتا کیا ہے اتر جا بات کی گہرائی میں
سرخ رو ہونے نہ پایا تھا کہ پیلا پڑ گیا
چاند کا بھی ہاتھ تھا جذبات کی پسپائی میں
بے لباسی ہی نہ بن جائے کہیں تیرا لباس
آئینے کے سامنے پاگل نہ ہو تنہائی میں
تو اگر پھل ہے تو خود ہی ٹوٹ کر دامن میں آ
میں نہ پھینکوں گا کوئی پتھر تری انگنائی میں
رات بھر وہ اپنے بستر پر پڑا روتا رہا
دور اک آواز بنجر ہو گئی شہنائی میں
دائرے بڑھتے گئے پرکار کا منہ کھل گیا
وہ بھی داخل ہو گیا اب سرحد رسوائی میں
حبس تو دل میں تھا لیکن آنکھ تپ کر رہ گئی
رات سارا شہر ڈوبا درد کی پروائی میں
آنکھ تک بھی اب جھپکنے کی مجھے فرصت نہیں
نقش ہے دیوار پر تصویر ہے بینائی میں
لوگ واپس ہو گئے ساجدؔ نمائش گاہ سے
اور میں کھویا رہا اک محشر رعنائی میں
اقبال ساجد
Wo musalsal chup hai tere samne tanhai mein
Wo musalsal chup hai tere samne tanhai mein
Sochta kya hai utar ja baat ki gehraai mein
Surkh-ru hone na paya tha ke peela paD gaya
Chand ka bhi haath tha jazbaat ki paspayi mein
Be-libasi hi na ban jaye kahin tera libas
Aaine ke samne pagal na ho tanhai mein
Tu agar phal hai to khud hi toot kar daman mein aa
Main na phenkunga koi patthar teri angnaai mein
Raat bhar wo apne bistar par paDa rota raha
Door ek aawaz banjar ho gayi shehnaai mein
Daire baDh'te gaye parkaar ka munh khul gaya
Wo bhi dakhil ho gaya ab sarhad-e-ruswai mein
Habs to dil mein tha lekin aankh tap kar reh gayi
Raat sara shahr Dooba dard ki parwaai mein
Aankh tak bhi ab jhapakne ki mujhe fursat nahin
Naqsh hai diwar par tasweer hai beenaayi mein
Log wapas ho gaye Sajid numaish-gah se
Aur main khoya raha ek mahshar-e-ra'anai mein
شاعر کے بارے میں
اقبال ساجد اردو کے معروف جدید غزل گو شعرا میں شمار ہوتے ہیں جن کا اصل نام محمد اقبال تھا۔ وہ 18 مئی 1932 کو لنڈھورا، ضلع سہارنپور (بھارت) میں پیدا ہوئے اور تقسیمِ ہند کے بعد پاکستان آکر لاہور میں مقیم ہوگئے۔ سادگی، داخلیت اور گہرے انسانی شعور نے ان کی شاعری کو معاصر شعرا سے ممتاز کیا۔ اگرچہ وہ صرف میٹرک تک تعلیم حاصل کرسکے، لیکن مطالعے، مشاہدے ...
مکمل تعارف پڑھیں