بس اک نگاہ میں قصہ تمام ہوتا ہے — جواد شیخ
شاعر
بس اک نگاہ میں قصہ تمام ہوتا ہے
بس اک نگاہ میں قصہ تمام ہوتا ہے
تو کیا یہ واقعی اتنا سا کام ہوتا ہے
کسی کے سرد رویے پہ خامشی کا لحاف
یہ انتقام بھی کیا انتقام ہوتا ہے
کبھی کبھی کوئی لقمہ کہیں کہیں کوئی کام
حلال ہوتے ہوئے بھی حرام ہوتا ہے
فراق یار سے کیا کیا امید تھی لیکن
یہ رنج بھی کوئی دو چار گام ہوتا ہے
اسیر اسیر ہی ہوتا ہے قید کوئی بھی ہو
کسی بھی شکل میں ہو دام دام ہوتا ہے
شعور جس میں نہ ہو اس میں شاعری کیا ہو
جو خوش بدن ہو وہی خوش خرام ہوتا ہے
وہ شخص یوں تو کسی کام کا نہیں لیکن
سنا ہے اس کے یہاں انتظام ہوتا ہے
کبھی کبھی بڑی مشکل میں ڈال دیتے ہیں
وہ جن کا دل میں بہت احترام ہوتا ہے
کھڑا ہوں کتنے ہی رشتوں کو تھام کر جوادؔ
اور ایسے میں جو مرا انہدام ہوتا ہے
Bas ik nigāh mein qissa tamām hotā hai
Bas ik nigāh mein qissa tamām hotā hai
To kya yeh wāqai itnā sā kaam hotā hai
Kisi ke sard rawaiye pe khāmoshī ka lihaaf
Yeh intiqām bhi kya intiqām hotā hai
Kabhi kabhi koi luqma kahīñ kahīñ koi kaam
Halāl hote hue bhi harām hotā hai
Firāq-e-yār se kya kya ummīd thī lekin
Yeh ranj bhi koi do chār gām hotā hai
Asīr asīr hi hotā hai qaid koi bhi ho
Kisi bhi shakl mein ho daam daam hotā hai
Shaoor jis mein na ho us mein shā'irī kya ho
Jo khush-badan ho wahi khush-kharām hotā hai
Woh shakhs yūñ to kisi kaam ka nahīñ lekin
Sunā hai us ke yahāñ intizām hotā hai
Kabhi kabhi baṛī mushkil mein ḍāl dete haiñ
Woh jin ka dil mein bahut ehtirām hotā hai
Khaṛā hūñ kitne hi rishtoñ ko thām kar Jawādؔ
Aur aise mein jo mirā inhādām hotā hai
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں