دل کو مآل ِ عشق سے بیگانہ کیجیے — جواد شیخ
شاعر
دل کو مآل ِ عشق سے بیگانہ کیجیے
دل کو مآل ِ عشق سے بیگانہ کیجیے
پروانہ کہہ رہا ہے کہ پروا نہ کیجیے
ہر خواب ناگزیر ہے ہر کام فرض ہے
کس کس سے ہاتھ کھینچیے کیا کیا نہ کیجیے
وہ بات جو ابھی ابھی میں نے نہیں سُنی
وہ بات ہو سکے تو دوبارہ نہ کیجیے
مخلص ہیں؟؟ اور وہ بھی مجھ ایسے حقیر سے ؟؟
اپنے ہی ساتھ آپ یہ دھوکہ نہ کیجیے !!
کیا سچ میں آپ جی نہیں سکتے مرے بغیر ؟؟
تو پھر کوئی جواز مہیا نہ کیجیے !!
اتنی بھی میری درگزری مستقل نہیں..!!
کتنی دفعہ کہا ہے کہ ایسا نہ کیجیے..!!
ہاں شکر تو ضرور بجا لائیے حضور !!
لیکن ہمارے ضبط پہ تکیہ نہ کیجیے
اچھا ہے انفراد بھی اپنی جگہ مگر
جواد کوئی کام تو اُلٹا نہ کیجیے !!
Dil ko maal-e-ishq se begaana keeji'ye
Dil ko maal-e-ishq se begaana keeji'ye
Parwana keh raha hai ke parwa na keeji'ye
Har khwab naaguzir hai har kaam farz hai
Kis kis se haath khinchiye kya kya na keeji'ye
Woh baat jo abhi abhi main ne nahin suni
Woh baat ho sake to dobara na keeji'ye
Mukhlish hain?? Aur woh bhi mujh aise haqeer se??
Apne hi saath aap yeh dhoka na keeji'ye !!
Kya sach mein aap ji nahin sakte mere baghair??
To phir koi jawaz muhaiya na keeji'ye !!
Itni bhi meri darguzari mustaqil nahin..!!
Kitni dafa kaha hai ke aisa na keeji'ye..!!
Haan shukr to zaroor baja laaiye huzoor !!
Lekin hamare zabt pe takiya na keeji'ye
Achha hai infiraad bhi apni jagah magar
Jawad koi kaam to ulta na keeji'ye !!
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں