ہوتا ہے مٹنے ہی کے لیے ہر لگا ہوا — جواد شیخ
شاعر
ہوتا ہے مٹنے ہی کے لیے ہر لگا ہوا
ہوتا ہے مٹنے ہی کے لیے ہر لگا ہوا
لیکن وہ ایک داغ نہ لگ کر لگا ہوا
دل بیٹھ بیٹھ جاتا ہے آئینہ دیکھ کر
جانے یہ کیسا روگ ہے بھیتر لگا ہوا
ایسے ہی بات بات پہ روتا نہیں ہوں میں
اک زخم ہے کہیں مرے اندر لگا ہوا
اندر بچھا ہوا ہے کوئی جال اور ہی
دام اور ہے دکان کے باہر لگا ہوا
ڈرتا بھی ہوں کہ ہو ہی نہ جائے کہیں وہ کام
اک عمر سے ہوں جس میں برابر لگا ہوا
ہوتا نہیں جوان لڑکپن کے بعد بھی
لگتا نہیں غریب کا نمبر لگا ہوا
وہ اتفاق سے مرا محبوب ہے تو کیا
جچتا ہے ایک شخص ہی افسر لگا ہوا
جوادؔ زندگی کی طرح تھی کوئی سڑک
دونوں طرف قطار میں کیکر لگا ہوا
Hotā hai miṭne hi ke liye har lagā huā
Hotā hai miṭne hi ke liye har lagā huā
Lekin woh ek dāgh na lag kar lagā huā
Dil baiṭh baiṭh jātā hai āīna dekh kar
Jaane yeh kaisā rog hai bhītar lagā huā
Aise hi bāt bāt pe rotā nahīñ huñ maiñ
Ik zakhm hai kahīñ mere andar lagā huā
Andar bichhā huā hai koi jāl aur hi
Dām aur hai dukān ke bāhar lagā huā
Ḍartā bhi huñ ke ho hi na jaaye kahīñ woh kaam
Ik umr se huñ jis mein barābar lagā huā
Hotā nahīñ jawāñ laṛakpan ke ba'd bhi
Lagtā nahīñ gharīb ka number lagā huā
Woh ittifāq se mirā mahbūb hai to kya
Jachtā hai ek shakhs hi afsar lagā huā
Jawādؔ zindagi ki tarah thī koi saṛak
Donoñ taraf qatār mein kīkar lagā huā
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں