عشق نے جب بھی کسی دل پہ حکومت کی ہے — جواد شیخ
شاعر
عشق نے جب بھی کسی دل پہ حکومت کی ہے
عشق نے جب بھی کسی دل پہ حکومت کی ہے
تو اسے درد کی معراج عنایت کی ہے
اپنی تائید پہ خود عقل بھی حیران ہوئی
دل نے ایسے مرے خوابوں کی حمایت کی ہے
شہر احساس تری یاد سے روشن کر کے
میں نے ہر گھر میں ترے ذکر کی جرأت کی ہے
مجھ کو لگتا ہے کہ انسان ادھورا ہے ابھی
تو نے دنیا میں اسے بھیج کے عجلت کی ہے
شہر کے تیرہ تریں گھر سے وہ خورشید ملا
جس کی تنویر میں تاثیر قیامت کی ہے
سوچتا ہوں کہ میں ایسے میں کدھر کو جاؤں
تیرا ملنا بھی کٹھن، یاد بھی شدت کی ہے
اس طرح اوندھے پڑے ہیں یہ شکستہ جذبے
جیسے اک وہم نے ان سب کی امامت کی ہے
یہ جو بکھری ہوئی لاشیں ہیں ورق پر جوادؔ
یہ مرے ضبط سے لفظوں نے بغاوت کی ہے
Ishq ne jab bhi kisi dil pe hukumat ki hai
Ishq ne jab bhi kisi dil pe hukumat ki hai
To use dard ki mairaj inayat ki hai
Apni tai'eed pe khud aql bhi hairan hui
Dil ne aise mere khwabon ki himayat ki hai
Shehar-e-ehsas teri yaad se roshan kar ke
Main ne har ghar mein tere zikr ki jurrat ki hai
Mujh ko lagta hai ke insan adhoora hai abhi
To ne duniya mein اسے bhej ke ujlat ki hai
Shehar ke teera tareen ghar se wo khursheed mila
Jis ki tanveer mein taseer qayamat ki hai
Sochta hoon ke main aise mein kidhar ko jaaun
Tera milna bhi kathin, yaad bhi shiddat ki hai
Is tarah aundhe pade hain yeh shikasta jazbe
Jaise ek wehm ne in sab ki imamat ki hai
Yeh jo bikhri hui lashain hain waraq par Jawwad
Yeh mere zabt se lafzon ne baghawat ki hai
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں