مرا خزانہ زمانے کے ہاتھ جا نہ لگے — جواد شیخ
شاعر
مرا خزانہ زمانے کے ہاتھ جا نہ لگے
مرا خزانہ زمانے کے ہاتھ جا نہ لگے
تجھے کسی کی کسی کو تری ہوا نہ لگے
میں ایک جسم کو چکھنا تو چاہتا ہوں مگر
کچھ اس طرح کہ مرے منہ کو ذائقہ نہ لگے
ہمیں لگا سو لگا خود اذیتی کا نشہ
دعا کرو کہ تمہیں کوئی بد دعا نہ لگے
دعا کرو کہ کسی کا نہ دل لگے تم سے
لگے تو اور کسی سے لگا ہوا نہ لگے
حسد کیا ہو ترے رزق سے کبھی میں نے
تو مجھ کو اپنی کمائی ہوئی غذا نہ لگے
ہمیں ہی عشق کی تشہیر چاہیے ورنہ
پتہ نہ لگنے دیا جائے تو پتہ نہ لگے
پڑا رہا میں کسی اور ہی بکھیڑے میں
بہت سے قیمتی جذبے کسی دشا نہ لگے
بنا رہا ہوں تصور میں ایک مدت سے
اک ایسا شہر جسے کوئی راستہ نہ لگے
ہمیں ہی عشق کی تشہیر چاہیے ورنہ
پتہ نہ لگنے دیا جائے تو پتہ نہ لگے
کسے خوشی نہیں ہوتی سراہے جانے کی
مگر وہ دوست ہی کیا ہے جو آئنہ نہ لگے
Mera khazana zamane ke haath ja na lage
Mera khazana zamane ke haath ja na lage
Tujhe kisi ki kisi ko teri hawa na lage
Main ek jism ko chakhna to chahta hoon magar
Kuch is tarah ki mere munh ko zaiqa na lage
Humein laga so laga khud-eziyat ka nasha
Dua karo ki tumhein koi bad-dua na lage
Dua karo ki kisi ka na dil lage tum se
Lage to aur kisi se laga hua na lage
Hasad kiya ho tere rizq se kabhi main ne
To mujh ko apni kamayi hui ghiza na lage
Humein hi ishq ki tashheer chahiye warna
Pata na lagne diya jaye to pata na lage
Pada raha main kisi aur hi bakhede mein
Bahut se qeemti jazbe kisi disha na lage
Bana raha hoon tasawwur mein ek muddat se
Ek aisa shehr jise koi rasta na lage
Humein hi ishq ki tashheer chahiye warna
Pata na lagne diya jaye to pata na lage
Kise khushi nahin hoti sarahae jaane ki
Magar woh dost hi kya hai jo aaina na lage
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں