نہیں ایسا بھی کہ یکسر نہیں رہنے والا — جواد شیخ
شاعر
نہیں ایسا بھی کہ یکسر نہیں رہنے والا
نہیں ایسا بھی کہ یکسر نہیں رہنے والا
دل میں یہ شور برابر نہیں رہنے والا
جس طرح خامشی لفظوں میں ڈھلی جاتی ہے
اس میں تاثیر کا عنصر نہیں رہنے والا
اب یہ کس شکل میں ظاہر ہو، خدا ہی جانے
رنج ایسا ہے کہ اندر نہیں رہنے والا
میں اسے چھوڑنا چاہوں بھی تو کیسے چھوڑوں؟
وہ کسی اور کا ہو کر نہیں رہنے والا
غور سے دیکھ ان آنکھوں میں نظر آتا ہے
وہ سمندر جو سمندر نہیں رہنے والا
جرم وہ کرنے کا سوچا ہے کہ بس اب کی بار
کوئی الزام مرے سر نہیں رہنے والا
میں نے حالانکہ بہت وقت گزارا ہے یہاں
اب میں اس شہر میں پل بھر نہیں رہنے والا
مصلحت لفظ پہ دو حرف نہ بھیجوں؟ جوادؔ
جب مرے ساتھ مقدر نہیں رہنے والا
Nahin aisa bhi ke yak-sar nahin rehne wala
Nahin aisa bhi ke yak-sar nahin rehne wala
Dil mein yeh shor barabar nahin rehne wala
Jis tarah khamoshi lafzon mein dhali jaati hai
Is mein taseer ka unsar nahin rehne wala
Ab yeh kis shakl mein zaahir ho, Khuda hi jaane
Ranj aisa hai ke andar nahin rehne wala
Main usay chhodna chaahoon bhi to kaise chhodoon?
Woh kisi aur ka ho kar nahin rehne wala
Ghaur se dekh in aankhon mein nazar aata hai
Woh samandar jo samandar nahin rehne wala
Jurrm woh karne ka socha hai ke bas ab ki baar
Koi ilzaam mere sar nahin rehne wala
Maine haalanke bahut waqt guzara hai yahan
Ab main is shehar mein pal bhar nahin rehne wala
Maslehat lafz pe do harf na bhejoon? Jawaad!
Jab mere saath muqaddar nahin rehne wala
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں