یہ غم تو ہے سو ہے کہ غریب الدیار ہوں — جواد شیخ
شاعر
یہ غم تو ہے سو ہے کہ غریب الدیار ہوں
یہ غم تو ہے سو ہے کہ غریب الدیار ہوں
لیکن جہاں جہاں ہوں میں دیوانہ وار ہوں
اس کے سوا بہ وقت دعا کچھ نہ کہہ سکا
میں بھی تو آخر اے مرے پروردگار ہوں
تیری عطا ہے آرزوئے روزگار غم
میری خطا ہے صید غم روزگار ہوں
اس کی تلاش ہے تو مجھے دیکھ لیجیے
میں اس کی آزمائشوں کا اشتہار ہوں
زنجیر ہوں تو الجھی ہوئی اپنے آپ سے
میں تیر ہوں تو اپنے ہی سینے کے پار ہوں
میں خار تھا تو اپنے ہی اندر گڑا ہوا
آزار تھا تو آج تلک برقرار ہوں
خاموشی تھی تو اب بھی وہی ہے مرا مزاج
غم کوشی تھی تو اب بھی اسی کا شکار ہوں
غم کے لیے کچھ اور خوشی کے لیے کچھ اور
جائے پناہ ہوں کہیں راہ فرار ہوں
یعنی عروج ہی میں نہاں ہے مرا زوال
پہلے میں دل گداز تھا اب دل فگار ہوں
تو کون ہے تو وجہ ہے میرے وجود کی
میں کون ہوں میں آرزؤں کا مزار ہوں
قائم رہیں وہ جن کی بدولت ہے یہ مدار
دائم رہیں وہ جن کا میں دار و مدار ہوں
Yeh gham to hai so hai ke gharīb-ud-diyār hūñ
Yeh gham to hai so hai ke gharīb-ud-diyār hūñ
Lekin jahāñ jahāñ hūñ maiñ dīwāna-wār hūñ
Us ke siwā ba-waqt-e-du'ā kuch na keh sakā
Maiñ bhi to ākhir aye mere parvardigār hūñ
Terī atā hai ārzū-e-rozgār-e-gham
Merī khtā hai said-e-gham-e-rozgār hūñ
Us kī talāsh hai to mujhe dekh lījiye
Maiñ us kī āzmāishoñ ka ishtihār hūñ
Zanjīr hūñ to uljhī hui apne āp se
Maiñ tīr hūñ to apne hi sīne ke pār hūñ
Maiñ khār thā to apne hi andar gaṛā huā
Āzār thā to āj talak barqarār hūñ
Khāmoshī thī to ab bhi wahi hai mirā mizāj
Gham-koshī thī to ab bhi isī ka shikār hūñ
Gham ke liye kuch aur khushī ke liye kuch aur
Jā-e-panāh hūñ kahīñ rāh-e-farār hūñ
Ya'nī urūj hi mein nihāñ hai mirā zawāl
Pehle maiñ dil-gudāz thā ab dil-figār hūñ
Tu kaun hai tu waj'ah hai mere wujūd kī
Maiñ kaun hūñ maiñ ārzūoñ ka mazār hūñ
Qā'im raheñ woh jin kī badawlat hai yeh madār
Dā'im raheñ woh jin ka maiñ dār-o-madār hūñ
شاعر کے بارے میں
جواد شیخ اردو کے معاصر اور نمایاں شاعروں میں سے ایک نامور شاعر ہیں، جن کا اصل نام شیخ جواد حسین ہے۔ وہ 26 مئی 1985 کو بھلوال، ضلع سرگودھا، پنجاب (پ...
مکمل تعارف پڑھیں