آنکھوں کا تھا قصور نہ دل کا قصور تھا — جگر مراد آبادی
شاعر
آنکھوں کا تھا قصور نہ دل کا قصور تھا
آنکھوں کا تھا قصور نہ دل کا قصور تھا
آیا جو میرے سامنے میرا غرور تھا
تاریک مثل آہ جو آنکھوں کا نور تھا
کیا صبح ہی سے شام بلا کا ظہور تھا
وہ تھے نہ مجھ سے دور نہ میں ان سے دور تھا
آتا نہ تھا نظر تو نظر کا قصور تھا
ہر وقت اک خمار تھا ہر دم سرور تھا
بوتل بغل میں تھی کہ دل ناصبور تھا
کوئی تو دردمند دل ناصبور تھا
مانا کہ تم نہ تھے کوئی تم سا ضرور تھا
لگتے ہی ٹھیس ٹوٹ گیا ساز آرزو
ملتے ہی آنکھ شیشۂ دل چور چور تھا
ایسا کہاں بہار میں رنگینیوں کا جوش
شامل کسی کا خون تمنا ضرور تھا
ساقی کی چشم مست کا کیا کیجیے بیان
اتنا سرور تھا کہ مجھے بھی سرور تھا
پلٹی جو راستے ہی سے اے آہ نامراد
یہ تو بتا کہ باب اثر کتنی دور تھا
جس دل کو تم نے لطف سے اپنا بنا لیا
اس دل میں اک چھپا ہوا نشتر ضرور تھا
اس چشم مے فروش سے کوئی نہ بچ سکا
سب کو بقدر حوصلۂ دل سرور تھا
دیکھا تھا کل جگرؔ کو سر راہ مے کدہ
اس درجہ پی گیا تھا کہ نشے میں چور تھا
Aankhon ka tha qasoor na dil ka qasoor tha
Aankhon ka tha qasoor na dil ka qasoor tha
Aaya jo mere saamne mera ghuroor tha
Tareek misl-e-aah jo aankhon ka noor tha
Kya subh hi se shaam bala ka zahoor tha
Woh the na mujh se door na main un se door tha
Aata na tha nazar to nazar ka qasoor tha
Har waqt ek khumar tha har dam suroor tha
Botal baghal mein thi ke dil nasaboor tha
Koi to dardmand dil nasaboor tha
Mana ke tum na the koi tum sa zaroor tha
Lagte hi thess toot gaya saaz-e-aarzoo
Milte hi aankh sheesha-e-dil choor choor tha
Aisa kahan bahar mein ranginiyon ka josh
Shamil kisi ka khoon-e-tamanna zaroor tha
Saaqi ki chashm-e-mast ka kya kijiye bayan
Itna suroor tha ke mujhe bhi suroor tha
Palti jo raste hi se ae aah-e-namurad
Yeh to bata ke baab-e-asar kitni door tha
Jis dil ko tum ne lutf se apna bana liya
Us dil mein ek chhupa hua nashtar zaroor tha
Is chashm-e-mai-farosh se koi na bach saka
Sab ko ba-qadr-e-hausla dil suroor tha
Dekha tha kal Jigar ko sar-e-rah-e-mai-kada
Is darja pee gaya tha ke nashe mein choor tha
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں