اسے حال و قال سے واسطہ نہ غرض مقام و قیام سے — جگر مراد آبادی
شاعر
اسے حال و قال سے واسطہ نہ غرض مقام و قیام سے
اسے حال و قال سے واسطہ نہ غرض مقام و قیام سے
جسے کوئی نسبت خاص ہو ترے حسن برق خرام سے
مجھے دے رہے ہیں تسلیاں وہ ہر ایک تازہ پیام سے
کبھی آ کے منظر عام پر کبھی ہٹ کے منظر عام سے
کیوں کیا رہا جو مقابلہ خطرات گام بہ گام سے
سر بام عشق تمام تک رہ شوق نیم تمام سے
نہ غرض کسی سے نہ واسطہ مجھے کام اپنے ہی کام سے
ترے ذکر سے تری فکر سے تری یاد سے ترے نام سے
مرے ساقیا مرے ساقیا تجھے مرحبا تجھے مرحبا
تو پلائے جا تو پلائے جا اسی چشم جام بہ جام سے
تری صبح عیش ہے کیا بلا تجھے اے فلک جو ہو حوصلہ
کبھی کر لے آ کے مقابلہ غم ہجر یار کی شام سے
مجھے یوں نہ خاک میں تو ملا میں اگرچہ ہوں ترا نقش پا
ترے جلوے کی ہے بقا مرے شوق نام بہ نام سے
تری چشم مست کو کیا کہوں کہ نظر نظر ہے فسوں فسوں
یہ تمام ہوش یہ سب جنوں اسی ایک گردش جام سے
یہ کتاب دل کی ہیں آیتیں میں بتاؤں کیا جو ہیں نسبتیں
مرے سجدہ ہائے دوام کو ترے نقش ہائے خرام سے
مجھے چاہیئے وہی ساقیا جو برس چلے جو چھلک چلے
ترے حسن شیشہ بدست سے تری چشم بادہ بہ جام سے
جو اٹھا ہے درد اٹھا کرے کوئی خاک اس سے گلا کرے
جسے ضد ہو حسن کے ذکر سے جسے چڑھ ہو عشق کے نام سے
وہیں چشم حور پھڑک گئی ابھی پی نہ تھی کہ بہک گئی
کبھی یک بیک جو چھلک گئی کسی رند مست کے جام سے
تو ہزار عذر کرے مگر ہمیں رشک ہے اور ہی کچھ جگرؔ
تری اضطراب نگاہ سے ترے احتیاط کلام سے
Use haal-o-qaal se waasta na gharaz muqam-o-qayam se
Jise koi nisbat-e-khaas ho tere husn-e-barq-e-kharam se
Mujhe de rahe hain tasalliyan woh har ek taza payam se
Kabhi aa ke manzar-e-aam par kabhi hat ke manzar-e-aam se
Kyun kiya raha jo muqabala khatrat-e-gaam ba-gaam se
Sar-e-baam-e-ishq tamaam tak reh shauq-e-neem-tamaam se
Na gharaz kisi se na waasta mujhe kaam apne hi kaam se
Tere zikr se teri fikr se teri yaad se tere naam se
Mere saqiya mere saqiya tujhe marhaba tujhe marhaba
Tu pilaye ja tu pilaye ja isi chashm-e-jam ba-jam se
Teri subh-e-aish hai kya bala tujhe aye falak jo ho hausla
Kabhi kar le aa ke muqabala gham-e-hijr-e-yaar ki sham se
Mujhe yun na khaak mein tu mila main agarche hun tera naqsh-e-pa
Tere jalwe ki hai baqa mere shauq-e-nam ba-nam se
Teri chashm-e-mast ko kya kahun ke nazar nazar hai fusoon fusoon
Yeh tamam hosh yeh sab junoon isi ek gardish-e-jam se
Yeh kitab-e-dil ki hain aayatein main bataun kya jo hain nisbatein
Mere sajda-haaye-dawam ko tere naqsh-haaye-kharam se
Mujhe chahiye wahi saqiya jo baras chale jo chhalak chale
Tere husn-e-sheesha ba-dast se teri chashm-e-bada ba-jam se
Jo utha hai dard utha kare koi khaak us se gila kare
Jise zid ho husn ke zikr se jise chirh ho ishq ke naam se
Wahin chashm-e-hoor pharak gayi abhi pi na thi ke behak gayi
Kabhi yak ba yak jo chhalak gayi kisi rind-e-mast ke jam se
Tu hazaar uzr kare magar hamein rashk hai aur hi kuch Jigar!
Teri iztirab-e-nigah se tere ehtiyat-e-kalam se
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں