اے حسن یار شرم یہ کیا انقلاب ہے — جگر مراد آبادی
شاعر
اے حسن یار شرم یہ کیا انقلاب ہے
اے حسن یار شرم یہ کیا انقلاب ہے
تجھ سے زیادہ درد ترا کامیاب ہے
عاشق کی بے دلی کا تغافل نہیں جواب
اس کا بس ایک جوش محبت جواب ہے
تیری عنایتیں کہ نہیں نذر جاں قبول
تیری نوازشیں کہ زمانہ خراب ہے
اے حسن اپنی حوصلہ افزائیاں تو دیکھ
مانا کہ چشم شوق بہت بے حجاب ہے
میں عشق بے نیاز ہوں تم حسن بے پناہ
میرا جواب ہے نہ تمہارا جواب ہے
مے خانہ ہے اسی کا یہ دنیا اسی کی ہے
جس تشنہ لب کے ہاتھ میں جام شراب ہے
اس سے دل تباہ کی روداد کیا کہوں
جو یہ نہ سن سکے کہ زمانہ خراب ہے
اے محتسب نہ پھینک مرے محتسب نہ پھینک
ظالم شراب ہے ارے ظالم شراب ہے
اپنے حدود سے نہ بڑھے کوئی عشق میں
جو ذرہ جس جگہ ہے وہیں آفتاب ہے
وہ لاکھ سامنے ہوں مگر اس کا کیا علاج
دل مانتا نہیں کہ نظر کامیاب ہے
میری نگاہ شوق بھی کچھ کم نہیں مگر
پھر بھی ترا شباب ترا ہی شباب ہے
مانوس اعتبار کرم کیوں کیا مجھے
اب ہر خطائے شوق اسی کا جواب ہے
میں اس کا آئینہ ہوں وہ ہے میرا آئینہ
میری نظر سے اس کی نظر کامیاب ہے
تنہائی فراق کے قربان جائیے
میں ہوں خیال یار ہے چشم پر آب ہے
سرمایۂ فراق جگرؔ آہ کچھ نہ پوچھ
اب جان ہے سو اپنے لیے خود عذاب ہے
Ai husn-e-yār sharm ye kyā inquilāb hai
Ai husn-e-yār sharm ye kyā inquilāb hai
Tujh se ziyāda dard tirā kāmyāb hai
Āshiq kī be-dilī kā taghāful nahīñ jawāb
Us kā bas ek josh-e-mohabbat jawāb hai
Terī ināyateñ ki nahīñ nazr-e-jāñ qabūl
Terī nawāzisheñ ki zamāna ḳharāb hai
Ai husn apnī hausla-afzā.iyāñ to dekh
Mānā ki chashm-e-shauq bahut be-hijāb hai
Maiñ ishq-e-be-niyāz hūñ tum husn-e-be-panāh
Merā jawāb hai na tumhārā jawāb hai
Mai-ḳhāna hai isī kā ye duniyā isī kī hai
Jis tashna-lab ke haath meñ jām-e-sharāb hai
Us se dil-e-tabāh kī rūdād kyā kahūñ
Jo ye na sun sake ki zamāna ḳharāb hai
Ai muhtasib na pheñk mere muhtasib na pheñk
Zālim sharāb hai are zālim sharāb hai
Apne hudūd se na baṛhe koī ishq meñ
Jo zarra jis jagah hai vahīñ āftāb hai
Vo lākh sāmne hoñ magar us kā kyā ilāj
Dil māntā nahīñ ki nazar kāmyāb hai
Merī nigāh-e-shauq bhī kuchh kam nahīñ magar
Phir bhī tirā shabāb tirā hī shabāb hai
Mānūs e'tibār-e-karam kyoñ kiyā mujhe
Ab har ḳhatā-e-shauq isī kā jawāb hai
Maiñ us kā aa.īna hūñ vo hai merā aa.īna
Merī nazar se us kī nazar kāmyāb hai
Tanhā.ī-e-firāq ke qurbān jā.iye
Maiñ hūñ ḳhayāl-e-yār hai chashm pur-āb hai
Sarmāya-e-firāq jigar aah kuchh na pūchh
Ab jāñ hai so apne liye ḳhud azāb hai
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں