اللہ اگر توفیق نہ دے انسان کے بس کا کام نہیں — جگر مراد آبادی
شاعر
اللہ اگر توفیق نہ دے انسان کے بس کا کام نہیں
اللہ اگر توفیق نہ دے انسان کے بس کا کام نہیں
فیضان محبت عام سہی عرفان محبت عام نہیں
یہ تو نے کہا کیا اے ناداں فیاضی قدرت عام نہیں
تو فکر و نظر تو پیدا کر کیا چیز ہے جو انعام نہیں
یارب یہ مقام عشق ہے کیا گو دیدہ و دل ناکام نہیں
تسکین ہے اور تسکین نہیں آرام ہے اور آرام نہیں
کیوں مست شراب عیش و طرب تکلیف توجہ فرمائیں
آواز شکست دل ہی تو ہے آواز شکست جام نہیں
آنا ہے جو بزم جاناں میں پندار خودی کو توڑ کے آ
اے ہوش و خرد کے دیوانے یاں ہوش و خرد کا کام نہیں
زاہد نے کچھ اس انداز سے پی ساقی کی نگاہیں پڑنے لگیں
مے کش یہی اب تک سمجھے تھے شائستہ دور جام نہیں
عشق اور گوارا خود کر لے بے شرط شکست فاش اپنی
دل کی بھی کچھ ان کے سازش ہے تنہا یہ نظر کا کام نہیں
سب جس کو اسیری کہتے ہیں وہ تو ہے امیری ہی لیکن
وہ کون سی آزادی ہے یہاں جو آپ خود اپنا دام نہیں
Allāh agar taufīq na de insān ke bas kā kaam nahīñ
Allāh agar taufīq na de insān ke bas kā kaam nahīñ
Faizān-e-mohabbat aam sahī irfān-e-mohabbat aam nahīñ
Ye tū ne kahā kyā ai nādāñ fayyāzī-e-qudrat aam nahīñ
Tū fikr o nazar to paidā kar kyā chiiz hai jo in'ām nahīñ
Yārab ye maqām-e-ishq hai kyā go dīda o dil nākām nahīñ
Taskīn hai aur taskīn nahīñ ārām hai aur ārām nahīñ
Kyuñ mast-e-sharāb-e-aish o tarab taklīf tawajjuh farmā.eñ
Āvāz-e-shikast-e-dil hī to hai āvāz-e-shikast-e-jām nahīñ
Ānā hai jo bazm-e-jānāñ meñ pindār-e-ḳhudī ko toṛ ke aa
Ai hosh o ḳhirad ke dīvāne yahāñ hosh o ḳhirad kā kaam nahīñ
Zāhid ne kuchh is andāz se pī sāqī kī nigāheñ paṛne lagīñ
Mai-kash yahī ab tak samjhe the shā.ista daur-e-jām nahīñ
Ishq aur gawārā ḳhud kar le be-shart shikast-e-fāsh apnī
Dil kī bhī kuchh in ke sāzish hai tanhā ye nazar kā kaam nahīñ
Sab jis ko asīrī kahte haiñ vo to hai amīrī hī lekin
Vo kaun sī āzādī hai yahāñ jo aap ḳhud apnā daam nahīñ
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں