داستان غم دل ان کو سنائی نہ گئی — جگر مراد آبادی
شاعر
داستان غم دل ان کو سنائی نہ گئی
داستان غم دل ان کو سنائی نہ گئی
بات بگڑی تھی کچھ ایسی کہ بنائی نہ گئی
سب کو ہم بھول گئے جوش جنوں میں لیکن
اک تری یاد تھی ایسی جو بھلائی نہ گئی
عشق پر کچھ نہ چلا دیدۂ تر کا قابو
اس نے جو آگ لگا دی وہ بجھائی نہ گئی
پڑ گیا حسن رخ یار کا پرتو جس پر
خاک میں مل کے بھی اس دل کی صفائی نہ گئی
کیا اٹھائے گی صبا خاک مری اس در سے
یہ قیامت تو خود ان سے بھی اٹھائی نہ گئی
Dāstāñ-e-ġham-e-dil un ko sunā.ī na ga.ī
Dāstāñ-e-ġham-e-dil un ko sunā.ī na ga.ī
Baat bigḌī thī kuchh aisī ki banā.ī na ga.ī
Sab ko ham bhūl ga.e josh-e-junūñ meñ lekin
Ik tirī yaad thī aisī jo bhulā.ī na ga.ī
Ishq par kuchh na chalā dīda-e-tar kā qābū
Us ne jo aag lagā dī vo bujhā.ī na ga.ī
Paṛ gayā husn-e-ruḳh-e-yār kā partav jis par
Khāk meñ mil ke bhī us dil kī safā.ī na ga.ī
Kyā uThā.e gī sabā ḳhāk mirī us dar se
Ye qayāmat to ḳhud un se bhī uThā.ī na ga.ī
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں