دل میں کسی کے راہ کئے جا رہا ہوں میں — جگر مراد آبادی
شاعر
دل میں کسی کے راہ کئے جا رہا ہوں میں
دل میں کسی کے راہ کئے جا رہا ہوں میں
کتنا حسیں گناہ کئے جا رہا ہوں میں
دنیائے دل تباہ کئے جا رہا ہوں میں
صرف نگاہ و آہ کئے جا رہا ہوں میں
فرد عمل سیاہ کئے جا رہا ہوں میں
رحمت کو بے پناہ کئے جا رہا ہوں میں
ایسی بھی اک نگاہ کئے جا رہا ہوں میں
ذروں کو مہر و ماہ کئے جا رہا ہوں میں
مجھ سے لگے ہیں عشق کی عظمت کو چار چاند
خود حسن کو گواہ کئے جا رہا ہوں میں
دفتر ہے ایک معنئ بے لفظ و صوت کا
سادہ سی جو نگاہ کئے جا رہا ہوں میں
آگے قدم بڑھائیں جنہیں سوجھتا نہیں
روشن چراغ راہ کئے جا رہا ہوں میں
معصومئ جمال کو بھی جن پہ رشک ہے
ایسے بھی کچھ گناہ کئے جا رہا ہوں میں
تنقید حسن مصلحت خاص عشق ہے
یہ جرم گاہ گاہ کئے جا رہا ہوں میں
اٹھتی نہیں ہے آنکھ مگر اس کے روبرو
نادیدہ اک نگاہ کئے جا رہا ہوں میں
گلشن پرست ہوں مجھے گل ہی نہیں عزیز
کانٹوں سے بھی نباہ کئے جا رہا ہوں میں
یوں زندگی گزار رہا ہوں ترے بغیر
جیسے کوئی گناہ کئے جا رہا ہوں میں
مجھ سے ادا ہوا ہے جگرؔ جستجو کا حق
ہر ذرے کو گواہ کئے جا رہا ہوں میں
Dil meñ kisī ke rāh kiye jā rahā huuñ maiñ
Dil meñ kisī ke rāh kiye jā rahā huuñ maiñ
Kitnā hasīñ gunāh kiye jā rahā huuñ maiñ
Duniyā-e-dil tabāh kiye jā rahā huuñ maiñ
Sirf nigāh o aah kiye jā rahā huuñ maiñ
Fard-e-amal siyāh kiye jā rahā huuñ maiñ
Rahmat ko be-panāh kiye jā rahā huuñ maiñ
Aisī bhī ik nigāh kiye jā rahā huuñ maiñ
Zarroñ ko mehar o māh kiye jā rahā huuñ maiñ
Mujh se lage haiñ ishq kī azmat ko chār chāñd
Khud husn ko gawāh kiye jā rahā huuñ maiñ
Daftar hai ek ma'nī-e-be-lafz o saut kā
Sāda sī jo nigāh kiye jā rahā huuñ maiñ
Āge qadam baṛhā.eñ jinheñ sūjhtā nahīñ
Roshan charāġh-e-rāh kiye jā rahā huuñ maiñ
Masūmī-e-jamāl ko bhī jin pe rashk hai
Aise bhī kuchh gunāh kiye jā rahā huuñ maiñ
Tanqīd-e-husn maslahat-e-ḳhās-e-ishq hai
Ye jurm gāh gāh kiye jā rahā huuñ maiñ
Uthtī nahīñ hai āñkh magar us ke rū-ba-rū
Nādīda ik nigāh kiye jā rahā huuñ maiñ
Gulshan-parast hūñ mujhe gul hī nahīñ azīz
KāñToñ se bhī nibāh kiye jā rahā huuñ maiñ
Yūñ zindagī guzār rahā huuñ tire baġhair
Jaise koī gunāh kiye jā rahā huuñ maiñ
Mujh se adā huā hai jigar justujū kā haq
Har zarre ko gawāh kiye jā rahā huuñ maiñ
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں