دنیا کے ستم یاد نہ اپنی ہی وفا یاد — جگر مراد آبادی
شاعر
دنیا کے ستم یاد نہ اپنی ہی وفا یاد
دنیا کے ستم یاد نہ اپنی ہی وفا یاد
اب مجھ کو نہیں کچھ بھی محبت کے سوا یاد
میں شکوہ بلب تھا مجھے یہ بھی نہ رہا یاد
شاید کہ مرے بھولنے والے نے کیا یاد
چھیڑا تھا جسے پہلے پہل تیری نظر نے
اب تک ہے وہ اک نغمۂ بے ساز و صدا یاد
جب کوئی حسیں ہوتا ہے سرگرم نوازش
اس وقت وہ کچھ اور بھی آتے ہیں سوا یاد
کیا جانئے کیا ہو گیا ارباب جنوں کو
مرنے کی ادا یاد نہ جینے کی ادا یاد
مدت ہوئی اک حادثۂ عشق کو لیکن
اب تک ہے ترے دل کے دھڑکنے کی صدا یاد
ہاں ہاں تجھے کیا کام مری شدت غم سے
ہاں ہاں نہیں مجھ کو ترے دامن کی ہوا یاد
میں ترک رہ و رسم جنوں کر ہی چکا تھا
کیوں آ گئی ایسے میں تری لغزش پا یاد
کیا لطف کہ میں اپنا پتہ آپ بتاؤں
کیجے کوئی بھولی ہوئی خاص اپنی ادا یاد
Duniyā ke sitam yaad na apnī hī wafā yaad
Duniyā ke sitam yaad na apnī hī wafā yaad
Ab mujh ko nahīñ kuchh bhī mohabbat ke sivā yaad
Maiñ shikva ba-lab thā mujhe ye bhī na rahā yaad
Shāyad ki mere bhūlne vaale ne kiyā yaad
ChheḌā thā jise pahle pahl terī nazar ne
Ab tak hai vo ik naġhma-e-be-sāz o sadā yaad
Jab koī hasīñ hotā hai sargarm-e-navāzish
Us waqt vo kuchh aur bhī aate haiñ sivā yaad
Kyā jāniye kyā ho gayā arbāb-e-junūñ ko
Marne kī adā yaad na jiine kī adā yaad
Muddat huī ik hādsa-e-ishq ko lekin
Ab tak hai tire dil ke dhaḌakne kī sadā yaad
Hāñ hāñ tujhe kyā kaam merī shiddat-e-ġham se
Hāñ hāñ nahīñ mujh ko tire dāman kī havā yaad
Maiñ tark-e-rah o rasm-e-junūñ kar hī cukā thā
Kyuñ aa ga.ī aise meñ tirī laġhzish-e-pā yaad
Kyā lutf ki maiñ apnā patā aap batā.ūñ
Kīje koī bhūlī huī ḳhās apnī adā yaad
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں