عشق کو بے نقاب ہونا تھا — جگر مراد آبادی
شاعر
عشق کو بے نقاب ہونا تھا
عشق کو بے نقاب ہونا تھا
آپ اپنا جواب ہونا تھا
مست جام شراب ہونا تھا
بے خود اضطراب ہونا تھا
تیری آنکھوں کا کچھ قصور نہیں
ہاں مجھی کو خراب ہونا تھا
آؤ مل جاؤ مسکرا کے گلے
ہو چکا جو عتاب ہونا تھا
کوچۂ عشق میں نکل آیا
جس کو خانہ خراب ہونا تھا
مست جام شراب خاک ہوتے
غرق جام شراب ہونا تھا
دل کہ جس پر ہیں نقش رنگارنگ
اس کو سادہ کتاب ہونا تھا
ہم نے ناکامیوں کو ڈھونڈ لیا
آخرش کامیاب ہونا تھا
ہائے وہ لمحۂ سکوں کہ جسے
محشر اضطراب ہونا تھا
نگۂ یار خود تڑپ اٹھتی
شرط اول خراب ہونا تھا
کیوں نہ ہوتا ستم بھی بے پایاں
کرم بے حساب ہونا تھا
کیوں نظر حیرتوں میں ڈوب گئی
موج صد اضطراب ہونا تھا
ہو چکا روز اولیں ہی جگرؔ
جس کو جتنا خراب ہونا تھا
Ishq ko be-naqāb honā thā
Ishq ko be-naqāb honā thā
Āp apnā jawāb honā thā
Mast-e-jām-e-sharāb honā thā
Be-ḳhud iztirāb honā thā
Terī āñkhoñ kā kuchh qasūr nahīñ
Hāñ mujhī ko ḳharāb honā thā
Ā.o mil jā.o muskurā ke gale
Ho cukā jo itāb honā thā
Kūcha-e-ishq meñ nikal aayā
Jis ko ḳhāna-ḳharāb honā thā
Mast-e-jām-e-sharāb ḳhāk hote
Ġharq-e-jām-e-sharāb honā thā
Dil ki jis par haiñ naqsh-e-rañgā-rañg
Us ko sāda kitāb honā thā
Ham ne nākāmiyoñ ko ḌhūñḌ liyā
Āḳhirash kāmyāb honā thā
Hā.e vo lamha-e-sukūñ ki jise
Mahshar-e-iztirāb honā thā
Nigah-e-yār ḳhud taḌap uThtī
Shart-e-auval ḳharāb honā thā
Kyuñ na hotā sitam bhī be-pāyāñ
Karam be-hisāb honā thā
Kyuñ nazar hairatoñ meñ Ḍūb ga.ī
Mauj-e-sad-iztirāb honā thā
Ho cukā roz-e-avvalīñ hī jigar
Jis ko jitnā ḳharāb honā thā
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں