کام آخر جذبۂ بے اختیار آ ہی گیا — جگر مراد آبادی
شاعر
کام آخر جذبۂ بے اختیار آ ہی گیا
کام آخر جذبۂ بے اختیار آ ہی گیا
دل کچھ اس صورت سے تڑپا ان کو پیار آ ہی گیا
جب نگاہیں اٹھ گئیں اللہ ری معراج شوق
دیکھتا کیا ہوں وہ جان انتظار آ ہی گیا
ہائے یہ حسن تصور کا فریب رنگ و بو
میں یہ سمجھا جیسے وہ جان بہار آ ہی گیا
ہاں سزا دے اے خدائے عشق اے توفیق غم
پھر زبان بے ادب پر ذکر یار آ ہی گیا
اس طرح خوش ہوں کسی کے وعدۂ فردا پہ میں
در حقیقت جیسے مجھ کو اعتبار آ ہی گیا
ہائے کافر دل کی یہ کافر جنوں انگیزیاں
تم کو پیار آئے نہ آئے مجھ کو پیار آ ہی گیا
درد نے کروٹ ہی بدلی تھی کہ دل کی آڑ سے
دفعتاً پردہ اٹھا اور پردہ دار آ ہی گیا
دل نے اک نالہ کیا آج اس طرح دیوانہ وار
بال بکھرائے کوئی مستانہ وار آ ہی گیا
جان ہی دے دی جگرؔ نے آج پائے یار پر
عمر بھر کی بے قراری کو قرار آ ہی گیا
Kaam āḳhir jazba-e-be-iḳhtiyār aa hī gayā
Kaam āḳhir jazba-e-be-iḳhtiyār aa hī gayā
Dil kuchh is sūrat se taḌpā un ko pyār aa hī gayā
Jab nigāheñ uTh ga.iiñ Allāh rī me'rāj-e-shauq
Dekhtā kyā hūñ vo jāñ-e-intizār aa hī gayā
Hā.e ye husn-e-tasavvur kā fareb-e-rañg o bū
Maiñ ye samjhā jaise vo jāñ-e-bahār aa hī gayā
Hāñ sazā de ai ḳhudā-e-ishq ai taufīq-e-ġham
Phir zabān-e-be-adab par zikr-e-yār aa hī gayā
Is tarah ḳhush hūñ kisī ke va'da-e-fardā pe maiñ
Dar-haqīqat jaise mujh ko e'tibār aa hī gayā
Hā.e kāfir dil kī ye kāfir junūñ-añgeziyāñ
Tum ko pyār aa.e na aa.e mujh ko pyār aa hī gayā
Dard ne karvaT hī badlī thī ki dil kī oT se
Da'fatan parda uThā aur parda-dār aa hī gayā
Dil ne ik nāla kiyā aaj is tarah dīvāna-vār
Bāl bikhrā.e koī mastāna-vār aa hī gayā
Jāñ hī de dī jigar ne aaj pā-e-yār par
Umar bhar kī be-qarārī ko qarār aa hī gayā
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں