کثرت میں بھی وحدت کا تماشا نظر آیا — جگر مراد آبادی
شاعر
کثرت میں بھی وحدت کا تماشا نظر آیا
کثرت میں بھی وحدت کا تماشا نظر آیا
جس رنگ میں دیکھا تجھے یکتا نظر آیا
جب اس رخ پر نور کا جلوہ نظر آیا
کعبہ نظر آیا نہ کلیسا نظر آیا
یہ حسن یہ شوخی یہ کرشمہ یہ ادائیں
دنیا نظر آئی مجھے تو کیا نظر آیا
اک سرخوشی عشق ہے اک بے خودیٔ شوق
آنکھوں کو خدا جانے مری کیا نظر آیا
جب دیکھ نہ سکتے تھے تو دریا بھی تھا قطرہ
جب آنکھ کھلی قطرہ بھی دریا نظر آیا
قربان تری شان عنایت کے دل و جاں
اس کم نگہی پر مجھے کیا کیا نظر آیا
ہر رنگ ترے رنگ میں ڈوبا ہوا نکلا
ہر نقش ترا نقش کف پا نظر آیا
آنکھوں نے دکھا دی جو ترے غم کی حقیقت
عالم مجھے سارا تہ و بالا نظر آیا
ہر جلوے کو دیکھا ترے جلووں سے منور
ہر بزم میں تو انجمن آرا نظر آیا
Kasrat meñ bhī wahdat kā tamāshā nazar aayā
Kasrat meñ bhī wahdat kā tamāshā nazar aayā
Jis rañg meñ dekhā tujhe yaktā nazar aayā
Jab is ruḳh par nūr kā jalva nazar aayā
Ka'ba nazar aayā na kalīsā nazar aayā
Ye husn ye shoḳhī ye karishma ye adā.eñ
Duniyā nazar aa.ī mujhe tū kyā nazar aayā
Ik surḳhoshī-e-ishq hai ik be-ḳhudī-e-shauq
Āñkhoñ ko ḳhudā jaane mirī kyā nazar aayā
Jab dekh na sakte the to dariyā bhī thā qatra
Jab āñkh khulī qatra bhī dariyā nazar aayā
Qurbān tirī shān-e-ināyat ke dil o jāñ
Is kam-nigahī par mujhe kyā kyā nazar aayā
Har rañg tire rañg meñ Ḍūbā huā niklā
Har naqsh tirā naqsh-e-kaf-e-pā nazar aayā
Āñkhoñ ne dikhā dī jo tire ġham kī haqīqat
Ālam mujhe sārā tah o bālā nazar aayā
Har jalve ko dekhā tire jalvoñ se munavvar
Har bazm meñ tū anjum-ārā nazar aayā
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں