سبھی انداز حسن پیارے ہیں — جگر مراد آبادی
شاعر
سبھی انداز حسن پیارے ہیں
سبھی انداز حسن پیارے ہیں
ہم مگر سادگی کے مارے ہیں
اس کی راتوں کا انتقام نہ پوچھ
جس نے ہنس ہنس کے دن گزارے ہیں
اے سہاروں کی زندگی والو
کتنے انسان بے سہارے ہیں
لالہ و گل سے تجھ کو کیا نسبت
نا مکمل سے استعارے ہیں
ہم تو اب ڈوب کر ہی ابھریں گے
وہ رہیں شاد جو کنارے ہیں
شب فرقت بھی جگمگا اٹھی
اشک غم ہیں کہ ماہ پارے ہیں
آتش عشق وہ جہنم ہے
جس میں فردوس کے نظارے ہیں
وہ ہمیں ہیں کہ جن کے ہاتھوں نے
گیسوئے زندگی سنوارے ہیں
حسن کی بے نیازیوں پہ نہ جا
بے اشارے بھی کچھ اشارے ہیں
Sabhi andaaz-e-husn pyare hain
Sabhi andaaz-e-husn pyare hain
Ham magar saadgi ke mare hain
Uski raaton ka intiqam na pooch
Jisne hans hans ke din guzare hain
Aye sahaaron ki zindagi walo
Kitne insan be-sahaare hain
Lala-o-gul se tujh ko kya nisbat
Na-mukammal se ista'are hain
Ham to ab doob kar hi ubhreinge
Woh rahen shad jo kinare hain
Shab-e-furqat bhi jagmaga uthi
Ashk-e-gham hain ke mah-pare hain
Atish-e-ishq woh jahannum hai
Jismein firdous ke nazare hain
Woh hamein hain ke jinke haathon ne
Gesoo-e-zindagi sanware hain
Husn ki be-niyaziyon pe na ja
Be-ishaare bhi kuch ishaare hain
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں