شرما گئے لجا گئے دامن چھڑا گئے — جگر مراد آبادی
شاعر
شرما گئے لجا گئے دامن چھڑا گئے
شرما گئے لجا گئے دامن چھڑا گئے
اے عشق مرحبا وہ یہاں تک تو آ گئے
دل پر ہزار طرح کے اوہام چھا گئے
یہ تم نے کیا کیا مری دنیا میں آ گئے
سب کچھ لٹا کے راہ محبت میں اہل دل
خوش ہیں کہ جیسے دولت کونین پا گئے
صحن چمن کو اپنی بہاروں پہ ناز تھا
وہ آ گئے تو ساری بہاروں پہ چھا گئے
عقل و جنوں میں سب کی تھیں راہیں جدا جدا
ہر پھر کے لیکن ایک ہی منزل پہ آ گئے
اب کیا کروں میں فطرت ناکام عشق کو
جتنے تھے حادثات مجھے راس آ گئے
Sharma gaye laja gaye daman chhura gaye
Aye ishq marhaba woh yahan tak to aa gaye
Dil par hazaar tarah ke auham chha gaye
Yeh tum ne kya kiya meri duniya mein aa gaye
Sab kuch luta ke rah-e-mohabbat mein ahle dil
Khush hain ke jaise daulat-e-kaunain pa gaye
Sehn-e-chaman ko apni baharon pe naaz tha
Woh aa gaye to saari baharon pe chha gaye
Aql-o-junoon mein sab ki thien raahein juda juda
Har phir ke lekin ek hi manzil pe aa gaye
Ab kya karun main fitrat-e-nakam-e-ishq ko
Jitne the hadsaat mujhe raas aa gaye
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں