تجھی سے ابتدا ہے تو ہی اک دن انتہا ہوگا — جگر مراد آبادی
شاعر
تجھی سے ابتدا ہے تو ہی اک دن انتہا ہوگا
تجھی سے ابتدا ہے تو ہی اک دن انتہا ہوگا
صدائے ساز ہوگی اور نہ ساز بے صدا ہوگا
ہمیں معلوم ہے ہم سے سنو محشر میں کیا ہوگا
سب اس کو دیکھتے ہوں گے وہ ہم کو دیکھتا ہوگا
سر محشر ہم ایسے عاصیوں کا اور کیا ہوگا
در جنت نہ وا ہوگا در رحمت تو وا ہوگا
جہنم ہو کہ جنت جو بھی ہوگا فیصلہ ہوگا
یہ کیا کم ہے ہمارا اور ان کا سامنا ہوگا
ازل ہو یا ابد دونوں اسیر زلف حضرت ہیں
جدھر نظریں اٹھاؤ گے یہی اک سلسلا ہوگا
یہ نسبت عشق کی بے رنگ لائے رہ نہیں سکتی
جو محبوب خدا کا ہے وہ محبوب خدا ہوگا
اسی امید پر ہم طالبان درد جیتے ہیں
خوشا درد دے کہ تیرا اور درد لا دوا ہوگا
نگاہ قہر پر بھی جان و دل سب کھوئے بیٹھا ہے
نگاہ مہر عاشق پر اگر ہوگی تو کیا ہوگا
سیانا بھیج دے گا ہم کو محشر سے جہنم میں
مگر جو دل پہ گزرے گی وہ دل ہی جانتا ہوگا
سمجھتا کیا ہے تو دیوانگان عشق کو زاہد
یہ ہو جائیں گے جس جانب اسی جانب خدا ہوگا
جگرؔ کا ہاتھ ہوگا حشر میں اور دامن حضرت
شکایت ہو کہ شکوہ جو بھی ہوگا برملا ہوگا
Tujhi se ibteda hai tu hi ek din intiha hoga
Sada-e-saaz hogi aur na saaz be-sada hoga
Hamein maloom hai hum se suno mehshar mein kya hoga
Sab us ko dekhte honge woh hum ko dekhta hoga
Sar-e-mehshar hum aise asiyon ka aur kya hoga
Dar-e-jannat na wa hoga dar-e-rehmat to wa hoga
Jahannum ho ke jannat jo bhi hoga faisla hoga
Yeh kya kam hai hamara aur unka saamna hoga
Azal ho ya abad donon aseer-e-zulf-e-hazrat hain
Jidhar nazrein uthaoge yehi ek silsila hoga
Yeh nisbat-e-ishq ki be-rang laye reh nahin sakti
Jo mehboob Khuda ka hai woh mehboob-e-Khuda hoga
Isi umeed par hum taliban-e-dard jeete hain
Khusha dard de ke tera aur dard la-dawa hoga
Nigah-e-qehr par bhi jaan-o-dil sab khoye baitha hai
Nigah-e-mehr ashiq par agar hogi to kya hoga
Sayana bhej dega hum ko mehshar se jahannum mein
Magar jo dil pe guzregi woh dil hi jaanta hoga
Samajhta kya hai tu deewanagan-e-ishq ko zaahid
Yeh ho jayeinge jis jaanib usi jaanib Khuda hoga
Jigar! ka haath hoga hashr mein aur daman-e-hazrat
Shikayat ho ke shikwa jo bhi hoga baramala hoga
شاعر کے بارے میں
جگر مرادآبادی اردو کے ممتاز کلاسیکی غزل نگار اور صوفی شاعر تھے، جن کا اصل نام علی سکندر تھا اور تخلص جگر مرادآبادی تھا۔ ان کی پیدائش چھ اپریل انیس ...
مکمل تعارف پڑھیں